သင်္ကြန်ပွဲတော်ကာလအတွင်း ချင်းမိုင်တွင် အပန်းဖြေခရီးရောက်ရှိနေသော ဝန်ကြီးချုပ်ဟောင်း သက်ဆင်ရှင်နာဝပ်ထရာက ဧပြီလ ၁၃ ရက်နေ့တွင် ထိုင်းနှစ်သစ်ကူးဆုမွန်တောင်းပေးခဲ့သည်။
“ဒီနှစ်မှာ သိပ်အဆင်မပြေခဲ့တဲ့ကိစ္စတွေ ရှိခဲ့ပါတယ်။ ၀န်ကြီးချုပ် ဆရတ်ထာရဲ့ ကြိုးပမ်းအားထုတ်မူတွေကြောင့် မကြာခင်မှာ ထိုင်းလူမျိုးတွေအတွက် အပြုသဘောဆောင်တဲ့ သတင်းကောင်းတွေ ကြားရတော့မယ်လို့ မျှော်လင့်ပါတယ်” ဟု သက်ဆင်ကဆုတောင်းပေးခဲ့သည်။
တချိန်တည်းမှာပဲ ပြည်ပမှာနေထိုင်တဲ့ ဝန်ကြီးချုပ်ဟောင်း ရင်လပ် ကလည်းသူမဓာတ်ပုံနှင့်အတူ နှစ်သစ်ဆုတောင်းအား ဆိုရှယ်မီဒီယာပေါ်တွင်တင်ထားသည်။
“နှစ်သစ်မှာထိုင်းညီအစ်ကို မောင်နှမ များအားလုံး ကျန်းမာ ချမ်းသာကြပါစေ၊အားလုံးပဲ ပျော်ရွှင်ကြပါစေ။ သင်္ကြန်ရေနဲ့အတားအဆီး အခက်ခဲမှန်သမျှ ဆေးကြော ပြေပျောက်ပါစေ။ နှစ်သစ်မှာ စီးပွားရေးလုပ်ငန်းများ ကောင်းတဲ့ ရွှေနှစ်တစ်နှစ်ဖြစ်ပါစေ။ရေသဘင်ပွဲတော်ဆင်နွှဲတဲ့အခါမိမိကိုယ်ကို ဂရုစိုက်ဖို့မမေ့ကြပါနဲ့။ မိသားစုနဲ့ အတူနှစ်သစ်ချိန်ခါဖြတ်သန်းကြပါ။ ငါတို့ချစ်တဲ့လူတွေနဲ့အတူထိုင်းသင်္ကြန်မှာ ထိုင်းရိုးရာ ၀တ်စုံနဲ့သင်္ကြန်ရိုးရာ မြှင့်တင်ရေးမှာ ပါဝင်ချင်ပါတယ်။ ပျော်ရွှင်စရာသင်္ကြန်နေ့လေးဖြစ်ပါစေ”ဟု ဆုတောင်းထားသည်။