တဲလဗီ၊မေ ၁၂
အစ္စရေးဝန်ကြီးချုပ်နေတန်ယာဟုနှင့် ၎င်း၏အစိုးရအနေဖြင့် ဂါဇာ၌ စစ်သွေးကြွများ၏ ဖမ်းဆီးထိန်းသိမ်းခံထားရသော ဓ-ါးစာခံများ ပြန်လည်လွတ်မြောက်ရေးအတွက် ယခုထက်ပို၍ ကြိုးစားအားထုတ်သင့်သည်ဟု ထောင်ပေါင်းများစွာသော အစ္စရေးပြည်သူများက လမ်းမများပေါ်ထွက်ကာ ဆန္ဒထုတ်ဖော်ခဲ့ကြကြောင်းသိရသည်။
ယင်းသို့စုဝေးဆန္ဒပြသူများထဲ၌ လက်ရှိအချိန်အထိ ဂါဇာတွင်ထိန်းသိမ်းခံထားရဆဲ ဓ-ါးစာခံပြည်သူများ၏မိသားစုဝင်များက ၎င်းတို့၏ဓါတ်ပုံများကိုင်ဆောင်ကာ ပါဝင်ဆန္ဒပြခဲ့ကြသည်ဟုလည်းသိရသည်။
ဟားမတ်စ်အဖွဲ့အကြီးအကဲတစ်ဦးကမူ ဗြိတိန် – အစ္စရေးကပြား ဓ-ါးစာခံတစ်ဦးသည် အစ္စရေး၏ လေကြောင်းတိုက်ခိုက်မှုအတွင်းရရှိခဲ့သည့် ဒဏ်ရာများဖြင့် ေ-သဆုံးသွားခဲ့ကြောင်းထုတ်ပြန်ကြေငြာခဲ့သည်။
အဆိုပါဓ-ါးစာခံအမျိုးသားသည် ဆေးကုသမှုကောင်းစွာခံယူရပါက ကျန်းမာရေးပြန်လည်ကောင်းလာနိုင်သော်လည်း အစ္စရေးက ဂါဇာရှိဆေးရုံများကို ဖျက်ဆီးခဲ့သဖြင့် ဆေးကုသခွင့်မရ၍ေ-သဆုံးခဲ့ရသည်ဟုလည်းသိရသည်။
ယမန်နှစ်အောက်တိုဘာ ၇ ရက်၌ ဟားမတ်စ်တို့ အစ္စရေးကို စတင်တိုက်ခိုက်စဉ်က ဓ-ါးစာခံအယောက် ၂၅၀ ဖမ်းခေါ်သွားခဲ့ပြီး လက်ရှိတွင် ၁၂၈ ဦးဖမ်းဆီးထားဆဲဖြစ်ကာ ၃၆ ဦး မှာ ေ-သဆုံးခဲ့ပြီး ဖြစ်သည်ဟုသိရသည်။ကျန်သူများမှာမူ အစ္စရေး နှင့် ဟားမတ် တို့ အကြား ပထမဆုံးပြုလုပ်သည့် အပစ်အခတ်ရပ်စဲရေးအစီအစဉ်အတွင်း ပြန်လည်လွတ်မြောက်လာခဲ့ပြီဖြစ်သည်။
Source : စီအင်န်အေ/အီးစီ
