ဆီးရီးယားနိုင်ငံ အလက်ပိုမြို့ပြင်မှာ အစ္စရေးရဲ့ လေကြောင်းတိုက်ခိုက်မှုကို ရုရှားက ပြင်းပြင်းထန်ထန် ရှုတ်ချလိုက်သည်။ အဆိုပါ ပြင်းထန်သော တိုက်ခိုက်မှုလုပ်ရပ်များသည် ဆီးရီးယား၏ အချုပ်အခြာအာဏာနှင့် နိုင်ငံတကာဥပဒေကို ချိုးဖောက်ရာရောက်ကြောင်း ရုရှားနိုင်ငံခြားရေး ဝန်ကြီးဌာနက ပြောကြားခဲ့သည်။
ဆီးရီးယား၏ အချုပ်အခြာအာဏာနှင့် နိုင်ငံတကာဥပဒေ၏ အခြေခံစည်းမျဉ်းများကို ပြင်းပြင်းထန်ထန် ချိုးဖောက်သည့် အဆိုပါ ပြင်းထန်သော လုပ်ရပ်များကို မော်စကိုက ပြင်းပြင်းထန်ထန် ရှုတ်ချကြောင်း ရုရှားနိုင်ငံခြားရေးဝန်ကြီးဌာနက အလေးအနက် ပြောကြားခဲ့သည်။ “လက်ရှိ တင်းမာနေတဲ့ ဒေသတွင်း အခြေအနေမှာ အလွန်အန္တရာယ်များတဲ့ အကျိုးဆက်တွေကို ဖြစ်ပေါ်စေပြီး ကြီးမားတဲ့ တိုက်ပွဲအရှိန်အဟုန်ကို ဖြစ်ပေါ်စေနိုင်တဲ့ ဒီလို အင်အားအသုံးပြုမှုမျိုးကိုတော့ လက်ခံနိုင်စရာ မရှိပါဘူး” ဟု ၎င်းကဆိုသည်။
ရုရှားနိုင်ငံခြားရေး ဝန်ကြီးဌာနက “အရှေ့အလယ်ပိုင်းဒေသတစ်ခုလုံးရဲ့ အခြေအနေ မတည်ငြိမ်မှုတွေနဲ့ ပြည့်နှက်နေတဲ့ ဒီဆိုးရွားတဲ့ အလေ့အကျင့်ကို စွန့်လွှတ်ဖို့ အစ္စရေးခေါင်းဆောင်တွေကို ထပ်မံတိုက်တွန်းလိုက်ပါတယ်။”ဟုဆိုသည်။
ဇွန်လ ၃ ရက်နေ့ ညသန်းခေါင်ကျော်တွင် အစ္စရေး၏ လေကြောင်းတိုက်ခိုက်မှုသည် အလက်ပိုမြို့ဆင်ခြေဖုံးဒေသများကို ထိမှန်ခဲ့သည်။ တိုက်ခိုက်မှုအတွင်း အများအပြား ေ-သဆုံးကာ ဒဏ်ရာရခဲ့ပြီး သိသာထင်ရှားသော ပျက်စီးမှုများ ဖြစ်ပေါ်ခဲ့ကြောင်း သိရသည်။
