အာကာသကနေ အပြာရောင် စကျင်ကျောက်တုံးတစ်တုံးပမာ ကမ္ဘာလုံးကြီးထွက်ပေါ်လာပုံကို ဓါတ်ပုံရိုက်ယူခဲ့တဲ့ အပိုလို ၈ အာကာသယာဉ်မှူးဟောင်း ဝီလျံ အန်ဒါးစ်ဟာ ပြီးခဲ့တဲ့ သောကြာနေ့က ဝါရှင်တန်မှာ လေယာဉ်ပျ-က်-ကျမှုတစ်ခုကြောင့် ကွယ်လွန်ခဲ့ပြီလို့ သိရပါတယ်။ သူ ကွယ်လွန်ချိန်မှာ အသက် ၉၀ အရွယ်ရှိနေပြီလို့လည်း သိရပါတယ်။
အန်ဒါးရဲ့သားဖြစ်သူ လေတပ်အငြိမ်းစား ဒုဗိုလ်မှူးကြီး ဂရက်အန်းဒါးစ်က လေယာဉ်ပျ-က်-ကျမှုမှာ ဖခင်ဖြစ်သူ ေ-သဆုံးခဲ့ကြောင်းနဲ့ ရုပ်အလေ-ာင်းကို ပြန်တွေ့ခဲ့ပြီဖြစ်ကြောင်း King5 နဲ့ အေပီသတင်းဋ္ဌာနတွေကို အတည်ပြုပြောဆိုခဲ့ပါတယ်။
Orcas ကျွန်းအနီး San Juan ရေလက်ကြား ရေပြင်ကို ခေတ်ဟောင်းမော်ဒယ် လေယာဉ်တစ်စင်း ပျ-က်-ကျန-စ်မြု-ပ်ခဲ့တယ်ဆိုတဲ့ အစီရင်ခံချက်တွေကို တာဝန်ရှိသူတွေ ရရှိခဲ့ကြတယ်လို့ San Juan ကောင်တီအုပ်ချုပ်ရေးရုံးက သတင်းထုတ်ပြန်ခဲ့ပါတယ်။ လေယာဉ်ပေါ်မှာ လေယာဉ်မောင်းဖြစ်တဲ့ အန်ဒါးစ်တစ်ဦးသာ ပါဝင်ခဲ့တယ်လို့ ဖက်ဒရယ်လေကြောင်းစီမံအုပ်ချုပ်ရေးအဖွဲ့က ပြောဆိုပါတယ်။
အပြာရောင် စကျင်ကျောက်တုံးတစ်တုံးပမာ အာကာသမှ ထွက်ပြူလာတဲ့ ကမ္ဘာရဲ့ အထင်ကရ ဓါတ်ပုံကို ရိုက်ကူးခဲ့သော အပိုလို ၈ လပတ်အာကာသယာဉ်ရဲ့ ပိုင်းလော့တစ်ဦးလို့ အန်ဒါးစ်ကို လူသိများပါတယ်။
သူက ဒီဓါတ်ပုံကို “ကမ္ဘာထွက်ပြူလာခြင်း” လို့ အမည်ပေးခဲ့ပြီး ဒါဟာ သူ့ရဲ့ အာကာသယာဉ်မှူး ဘဝသက်တမ်းတလျှောက် သူလုပ်ခဲ့သမျှမှာ အထင်ရှားဆုံး အထောက်အပံ့ပြုနိုင်မှုတစ်ခုဖြစ်တယ်လို့ ဆိုခဲ့ပါတယ်။
အပိုလို ၈ မစ်ရှင်ဟာ အန္တရာယ်တွေနဲ့ ပြည့်နှက်နေခဲ့သော်လည်း နောက် ၇ လ အကြာမှာ အပိုလို ၁၁ ရဲ့ သမိုင်းဝင် လပေါ်ဆင်းသက်မှု မစ်ရှင်အတွက် လမ်းကြောင်းခင်းပေးနိုင်ခဲ့ပါတယ်။
အန်ဒါးစ်ကို ၁၉၃၃ ခုနှစ်က ဟောင်ကောင်မှာ မွေးဖွားခဲ့တာဖြစ်ပေမယ့် ဆန်ဒီယေးဂိုမှာ ကြီးပြင်းခဲ့သူဖြစ်ပါတယ်။ ၁၉၆၄ ခုနှစ်မှာ အန်ဒါးစ်ဟာ ဓါတ်ရောင်ခြည် သက်ရောက်မှုနဲ့ သဘာဝပတ်ဝန်းကျင် ထိန်းချုပ်မှု အပါအဝင် နယ်ပယ်တွေမှာ အလုပ်လုပ်နေတဲ့ နာဆာ အာကာသယာဉ်မှူးတစ်ဦး ဖြစ်လာပါတယ်။ သူဟာ ၁၉၈၈ ခုနှစ်မှာ လေတပ်အရန်တပ်ဖွဲ့ကနေ အနားယူခဲ့ပါတယ်။ ၁၉၉၁ ခုနှစ်မှာ General Dynamics Corporation ရဲ့ ဥက္ကဋ္ဌအဖြစ် တာဝန်ယူခဲ့ပြီး ၁၉၉၁ မှ ၁၉၉၄ ခုနှစ်အထိ ကြာခဲ့ပါတယ်။
အန်ဒါးစ်ဟာ ၁၉၉၃ ခုနှစ်မှာ Orcas ကျွန်းကို ဇနီးဖြစ်သူ Valerie နဲ့အတူ ပြောင်းရွှေ့နေထိုင်ခဲ့ပြီး သူတို့နှစ်ဦးဟာ သားသမီး ခြောက်ဦးနဲ့ မြေး ၁၃ ဦး ထွန်းကားခဲ့ကြောင်း သိရပါတယ်။
USA Today