ဂျီနီဗာ၊ဇွန် ၁၃
ကမ္ဘာ့ကျန်းမာရေးအဖွဲ့ (WHO) အကြီးအကဲက ဂါဇာကမ်းမြောင်ဒေသရှိ လူအများအပြားသည် ငတ်မွတ်ခေါင်းပါးမှု နှင့် ကြုံတွေ့နေရကြောင်း ဇွန်လ ၁၂ ရက်နေ့ကပြောကြားခဲ့သည်။
ဂါဇာသို့ အစားအစာပေးပို့ထောက်ပံ့မှု တိုးလာကြောင်း သတင်းများထွက်ပေါ်နေသော်လည်း အမှန်တကယ်လိုအပ်နေသူများသည် လုံလောက်သည့်ပမာဏကိုရရှိထားသည်ကို သိသိသာသာမတွေ့ရကြောင်း၎င်းကဆိုသည်။
အာဟာရချို့တဲ့မှုကို ပြင်းထန်စွာခံစားနေရသည့် က-လေ-းငယ် ၁,၆၀၀ အပါအဝင် အသက်ငါးနှစ်အောက် က-လေ-း ၈,၀၀၀ ကျော်သည် အာဟာရချို့တဲ့မှုဖြင့် ဆေးကုသမှုခံယူခဲ့ကြရကြောင်းလည်းဆက်လက်ပြောကြားခဲ့သည်။
အခြေအနေဆိုးရွားနေသော်လည်း လုံခြုံမှုမရှိခြင်းနှင့် အကူအညီပေးရေးအဖွဲ့များက ဝင်ခွင့်မရခြင်းတို့ကြောင့် အာဟာရချို့တဲ့ နေသော လူနာများအတွက် ကုသရေးဌာန နှစ်ခုဖြင့်သာ လည်ပတ်နေရသည်ဟုလည်းဆိုသည်။
ဂါဇာကမ်းမြောင်၌ သန့်ရှင်းသောရေ မရရှိမှု နှင့်မိလ္လာမသန့်ရှင်းမှု နှင့် ကမ္ဘာ့ကျန်းမာရေးအဖွဲ့၏ ကျန်းမာရေးဝန်ဆောင်မှုများကို ဘေးကင်းစွာ ပံ့ပိုးဆောင်ရွက်ပေးနိုင်ခြင်းမရှိမှုတို့ကြောင့် အာဟာရချို့တဲ့သောက-လေ-းများအတွက် အန္တရာယ်သိသိသာသာတိုးလာစေသည်ဟုလည်း၎င်းကပြောကြားခဲ့သည်။
အစ္စရေး – ဟားမတ်စ်အရေးသည် ယမန်နှစ်အောက်တိုဘာ ၇ ရက်က ဟားမတ်စ်တို့၏တိုက်ခိုက်မှုအပြီး အစ္စရေးဘက်မှ လူပေါင်း ၁,၂၀၀ ခန့်ေ-သဆုံးကာ နောက်ထပ် ၂၅၀ ခန့်ကို ေ-သနတ်သမားများက ဓ-ါးစာခံအဖြစ်ခေါ်ဆောင်သွားခဲ့ရာမှစတင်ခဲ့ခြင်းလည်းဖြစ်သည်။
အဆိုပါလုပ်ရပ်အပေါ် အစ္စရေး၏တုန့်ပြန်မှုသည် ပါလက်စတိုင်း ၃၇,၀၀၀ ကျော် ေ-သဆုံးစေခဲ့ပြီး ဂါဇာ၏လူဦးရေ ၂ ဒသမ ၃ သန်းအနက် အများစုကို အိုးအိမ်မဲ့ဖြစ်စေခဲ့ကာ ငတ်မွတ်မှုနှင့်ပျက်စီးမှုများဖြစ်ပေါ်စေခဲ့ကြောင်း ဂါဇာကျန်းမာရေးဝန်ကြီးဌာနကပြောကြားခဲ့သည်။
Source : ရိုက်တာ/အက်ဖ်အက်စ်
