လန်ဒန်၊ဇွန် ၁၅
ဗြိတိန်၏ဝေလမင်းသမီး ကိတ်သည် ကင်ဆာရောဂါဖြစ်နေကြောင်းသိရှိပြီးနောက် ပထမဆုံးအနေဖြင့် ချားလ်စ်ဘုရင်မွေးနေ့အထိမ်းအမှတ် စစ်ရေးပြအခမ်းအနားသို့တက်ရောက်လာသည်။
အသက် ၄၂ နှစ်အရွယ်ရှိ မင်းသမီးသည် ဇန်နဝါရီလက ဝမ်းဗိုက်ခွဲစိတ်မှုခံယူပြီးနောက် ဆေးရုံ၌ နှစ်ပတ်ကြာနေထိုင်ခဲ့ရာမှ နှစ်လအကြာ၌ ပြုလုပ်သောစမ်းသပ်မှုများတွင် ကင်ဆာရောဂါရှိနေကြောင်းသ်ရှိရသဖြင့် ဓါတ်ကင်နေရကြောင်း ကြေငြာခဲ့သည်။
ကိတ်သည် ဆေးကုသမှုခံယူဆဲဖြစ်သော်လည်း ကျန်းမာရေးကောင်းမွန်လာမှုကြောင့် ဒီဇင်ဘာလနောက်ပိုင်း ပထမဆုံးအကြိမ်အဖြစ် လူမြင်ကွင်းသို့ထွက်လာခဲ့ခြင်းလည်းဖြစ်သည်။
မင်းသမီးကိတ်သည် ရထားလုံးဖြင့် ၎င်း၏က_လေ-းများနှင့်အတူလာခဲ့ခြင်းဖြစ်ပြီး မိုးဖွဲဖွဲများကြားမှပင် ပြည်သူများသည် မင်းသမီးလာသည်ကိုမြင်ရသည့်အခါ ဝမ်းသာအားရကြိုဆိုခဲ့ကြသည်။
“ဘုရင်ကြီးမွေးနေ့ဆိုတာသိပါတယ်၊ဒါပေမဲ့ မင်းသမီးကိုမတွေ့ရတာကြာပြီမို့ စိတ်ပူနေခဲ့တာ၊အခုလိုတွေ့လိုက်ရတော့ အရမ်းပျော်သွားတယ်” ဟုလည်းအခမ်းအနားလာရောက်ကြည့်ရှုသူ ပြည်သူတစ်ဦးက ပြောကြားခဲ့သည်။
Source : ရိုက်တာ/အက်ဖ်အက်စ်
