ဂျေရုဆလင်၊ဇွန် ၁၆
ဂါဇာတောင်ပိုင်း၌ ဇွန်လ ၁၅ ရက်နေ့က ပေါက်ကွဲမှုတစ်ခုဖြစ်ပွား၍ အစ္စရေးစစ်သား ၈ ဦး ေ-သဆုံးခဲ့ကြောင်းသိရပြီး ၎င်းသည် စစ်ပွဲကာလတစ်လျှောက် ေ-သဆုံးမှုအများဆုံးထဲမှ တစ်ခု ဖြစ်သည်ဟုသိရသည်။
ဂါဇာကမ်းမြောင်ဒေသ တောင်ဘက်စွန်းရှိ ရာဖာမြို့အနီး၌ အစ္စရေးတပ်ဖွဲ့ဝင်များ လမ်းမထက်တွင် တိုက်ပွဲများပြင်းထန်စွာဖြစ်နေစဉ် Namer သံချပ်ကာယာဉ်ပေါက်ကွဲခဲ့ခြင်းဖြစ်ကာ စစ်သားများေ-သဆုံးခဲ့ခြင်းဖြစ်ကြောင်းပြောကြားခဲ့သည်။
“ယာဉ်နဲ့အတူပါ၀င်သူတွေ ထိခိုက်ပျက်စီးမှု ကြီးကြီးမားမားဖြစ်ခဲ့ပြီး အလေ-ာင်းတွေကို ရှာဖွေဖော်ထုတ်ဖို့တောင် ခက်ခဲစေခဲ့ပါတယ်” ဟုလည်း ၎င်းကဆိုခဲ့သည်။
“ပေါက်ကွဲမှုဖြစ်ရခြင်းမှာ တိုက်ပွဲဧရိယာအတွင်း ထောင်ထားသည့် ဖောက်ခွဲရေးပစ္စည်းပေါက်ကွဲခြင်းကြောင့်သော်လည်းကောင်း၊ တင့်ကားဖျက်ဒုံးကျည်ဖြင့် ပစ်ခတ်ခံရခြင်း ကြောင့်သော်လည်းကောင်း ဖြစ်ပုံရသည်” ဟု စစ်တပ်ပြောရေးဆိုခွင့်ရှိသူ ဒန်နီယယ် ဟာဂါရီကသတင်းစာရှင်းလင်းပွဲတွင် ပြောကြားခဲ့သည်။
ယခုပေါက်ကွဲမှုမှ တပ်မတော်သားအင်အားဆုံးရှုံးမှုသည် ဂါဇာကမ်းမြောင်ဒေသ၌ ယမန်နှစ် အောက်တိုဘာ ၂၇ ရက်က အစ္စရေး၏မြေပြင်ထိုးစစ်စတင်ပြီးနောက်ပိုင်း အဆိုးရွားဆုံးဖြစ်ကာ ယခုအထိ စုစုပေါင်းေ-သဆုံးသူ ၃၀၆ ဦးအထိရှိလာခဲ့သည်။
အစ္စရေးဝန်ကြီးချုပ်နေတန်ယာဟုက ယခုဖြစ်စဉ်၌ အသက်ဆုံးရှုံးသွားရသူတပ်မတော်သားများကို ဂုဏ်ပြုစကားဆိုခဲ့ပြီး ၎င်းတို့၏ မိသားစုဝင်များနှင့်ထပ်တူ ဝမ်းနည်းခံစားရကြောင်းလည်းပြောကြားခဲ့သည်။
ဂါဇာ၌ ဟားမတ်စ်စစ်သွေးကြွများကိုလိုက်လံနှိမ်နင်းနိုင်ရန် အစ္စရေးဘက်မှ မြေပြင်စစ်ဆင်ရေးများစတင်ခဲ့ချိန်ကစပြီး လူတစ်သန်းခန့် သည် ရာဖာမြို့မှ စွန့်ခွာ ထွက်ပြေးကာ စစ်ရှောင်နေခဲ့ကြရသည်ဟုလည်း ကုလသမဂ္ဂကပြောကြားခဲ့သည်။
Source : အေအက်ဖ်ပီ/အက်ဖ်အက်စ်