ဂျေရုဆလင်၊ဇွန် ၁၈
ထောင်နှင့်ချီသော အစ္စရေးနိုင်ငံသားများသည် ဝန်ကြီးချုပ်နေတန်ယာဟုအစိုးရကို ဓ-ါးစာခံများကို လွတ်မြောက်ရေးအတွက် ညှိနှိုင်းရန်ပျက်ကွက်မှုနှင့် ဂါဇာစစ်ပွဲ ကိစ္စဖြင့် ထပ်မံဆန္ဒပြခဲ့ကြကြောင်းသိရသည်။
ဂါဇာရှိဟားမတ်စ်တို့နှင့်ဖြစ်နေသည့် အစ္စရေး – ဟားမတ်စ်အရေးကို နေတန်ယာဟု၏ကိုင်တွယ်ပုံကို သဘောမကျသောကြောင့် အစ္စရေးပြည်သူများ၏ ဆန္ဒပြမှုများသည် အပတ်စဉ်တိုင်းလိုလိုဖြစ်ပေါ်နေလေ့ရှိသည်။
သို့သော် ယင်းဆန္ဒပြမှုများကို တက်ကြွလှုပ်ရှားသူများ၏ နှောင့်ယှက်မှုများအဖြစ် တာဝန်ရှိသူများကယူဆထားပြီး ဆန္ဒထုတ်ဖော်သူများသည် ရွေးကောက်ပွဲအသစ်ပြုလုပ်ဖို့လည်းတောင်းဆိုခဲ့ကြသည်ဟုသိရသည်။
ဆန္ဒပြသူများသည် ဂျေရုဆလင်သို့ချီတက်လာပြီး အစ္စရေးပါလီမန်နှင့်နေတန်ယာဟုအိမ်အား ပိတ်ဆို့ထားခဲ့သဖြင့်လည်း ရဲတပ်ဖွဲ့နှင့် အထိကရုဏ်းဖြစ်ခဲ့ကြသေးသည်။နှစ်ဖက်အထိကရုဏ်းများကြားမှ ရဲတပ်ဖွဲ့ဝင်နှစ်ဦးဒဏ်ရာရရှိခဲ့သဖြင့် ယင်းသို့ပြုလုပ်သူကိုးဦးအား ဖမ်းဆီးထိန်းသိမ်းထားသည်ဟုလည်းသိရသည်။
အစ္စရေး – ဟားမတ်စ်အရေးသည် ယမန်နှစ်အောက်တိုဘာ ၇ ရက်က ဟားမတ်စ်တို့၏တိုက်ခိုက်မှုအပြီး အစ္စရေးဘက်မှ လူပေါင်း ၁,၁၉၄ ဦးခန့်ေ-သဆုံးကာ နောက်ထပ် ၂၅၀ ခန့်ကို ေ-သနတ်သမားများက ဓ-ါးစာခံအဖြစ်ခေါ်ဆောင်သွားခဲ့ရာမှစတင်ခဲ့ခြင်းလည်းဖြစ်သည်။
အဆိုပါလုပ်ရပ်ကို အစ္စရေး က တုန့်ပြန်မှုသည် ပါလက်စတိုင်း ၃၇,၃၄၇ ကျော် ေ-သဆုံးစေခဲ့ပြီး ဂါဇာ၏လူဦးရေ ၂ ဒသမ ၃ သန်းအနက် အများစုကို အိုးအိမ်မဲ့ဖြစ်စေခဲ့ကာ ငတ်မွတ်မှုနှင့်ပျက်စီးမှုများဖြစ်ပေါ်စေခဲ့ကြောင်း ဂါဇာကျန်းမာရေးဝန်ကြီးဌာနကပြောကြားခဲ့သည်။
Source : အေအက်ဖ်ပီ/အယ်လ်အိတ်ခ်ျ