ဝါရှင်တန်၊ဇွန် ၂၁
တရုတ်နိုင်ငံကို ယှဉ်ပြိုင်နိုင်ရန်အတွက် အမေရိက၏အဓိကမဟာမိတ်ဖြစ်သည့် ဟနွိုင်းနှင့်ဆက်ဆံရေးကို ပိုမိုတိုးမြှင့်ဆောင်ရွက်သွားမည်ဖြစ်ကြောင်း သမ္မတပူတင်၏ ဗီယက်နမ်ခရီးစဉ်အပြီး၌ အိမ်ဖြူတော်ကထုတ်ပြန်ကြေညာခဲ့သည်။
ပူတင်သည်မြောက်ကိုရီးယားနှင့် အပြန်အလှန်ကာကွယ်ရေး သဘောတူညီချက်ကို လက်မှတ်ရေးထိုးခဲ့သည်။ ပူတင် ဗီယက်နမ်ရောက်ရှိချိန်၌ စစ်ရေးပြအခမ်းအနားဖြင့်ကြိုဆိုခဲ့သည်။ ဒေသတွင်း၌ ယုံကြည်စိတ်ချရသောလုံခြုံရေးကို တည်ဆောက်လိုကြောင်းလည်း ပူတင်က ဟနွိုင်းတွင်ပြောကြားခဲ့သည်။
ဝါရှင်တန်က ၎င်း၏ အရှေ့အာရှဆိုင်ရာ ထိပ်တန်းသံတမန်သည် အင်ဒို – ပစိဖိတ်ဒေသ၌ လွတ်လပ်ပွင့်လင်းမှုရှိစေရန် ဟနွိုင်းနှင့်ပူးပေါင်းဆောင်ရွက်မည့် ဝါရှင်တန်၏ ကတိကဝတ်ကို ဖေါ်ဆောင်ရန်အတွက် လာမည့်သောကြာနေ့နှင့်စနေနေ့များတွင် ဗီယက်နမ်သို့လာရောက်မည်ဖြစ်ကြောင်းထုတ်ပြန်ကြေငြာခဲ့သည်။
သမ္မတပူတင်၏ ယခု ခရီးစဉ်ကို အနောက်အုပ်စုကို ပမာမခန့်ပြုခြင်းအဖြစ် သတ်မှတ်ပြီး ဟနွိုင်းက ပူတင်ကို လက်ခံကြိုဆိုမှုကိုလည်း အမေရိက ကဝေဖန်ခဲ့သည်။
သို့သော် ယူကရိန်းအရေးနှင့်ပတ်သက်ပြီး အနောက်နိုင်ငံများက ရုရှားအပေါ် ပိတ်ဆို့အရေးယူမှုများချမှတ်ထားသည့်ကြားမှပင် အာရှသို့ဦးလှည့်လာသည့် မော်စကို ၏ အဓိကအချက်အချာကျသော စွမ်းအင်အပါအဝင် အခြားကိစ္စရပ်များဆိုင်ရာ သဘောတူညီချက်များကိုပါ ရုရှားနှင့်ဗီယက်နမ်တို့ကလက်မှတ်ရေးထိုးခဲ့ကြသည်ဟုလည်းသိရသည်။
Source : ရိုက်တာ/အက်ဖ်အက်စ်
