ရုရှားနိုင်ငံ မြောက်ကော့ကေးဆပ်ဒေသ ဒါဂျက်စတန်မှာ တနင်္ဂနွေနေ့က မြို့နှစ်မြို့ရှိ ရဲစခန်းတစ်ခုနဲ့ အော်သိုဒေါ့ဘုရားကျောင်းတစ်ကျောင်းကို ေ-သနတ်သမားတွေက ပစ်ခတ်တိုက်ခိုက်ခဲ့တာကြောင့် အော်သိုဒေါ့ ဘုန်းတော်ကြီးတစ်ပါးနဲ့ ရဲ ၁၅ ဦးထက်မနည်း ေ-သဆုံးခဲ့တယ်လို့ ဒေသဆိုင်ရာ အကြီးအကဲက ပြောဆိုပါတယ်။
“ဒီနေ့ဟာ ဒါဂျက်စတန်နဲ့ တစ်နိုင်ငံလုံးအတွက် ဝမ်းနည်းကြေကွယ်ဖွယ်ရာ နေ့တစ်နေ့ပါ” လို့ ဒါဂျက်စတန်ဒေသ အုပ်ချုပ်ရေးမှူး ဆာဂေး မာလီကော့ဗ်က တနင်္လာနေ့(ဇွန် ၂၄) ဗီဒီယို ထုတ်ပြန်ချက်တစ်ခုမှာ ပြောဆိုခဲ့ပါတယ်။
လူ ၁၄၅ ဦးေ-သဆုံးခဲ့ရပြီး နှစ်များစွာအတွင်း ရုရှားသမိုင်းမှာ အဆိုးဝါးဆုံး အကြ-မ်းဖက်တိုက်ခိုက်မှုဖြစ်ခဲ့သော မော်စကိုမြို့အနီး ဂီတခန်းမတစ်ခုကို အိုင်အက်စ်အဖွဲ့ရဲ့ တိုက်ခိုက်မှု ဖြစ်ပွားခဲ့အပြီး သုံးလအကြာ Makhachkala နဲ့ Derbent မြို့တွေမှာ တပြိုင်နက် ပစ်ခတ်တိုက်ခိုက်မှုတွေ ပေါ်ပေါက်ခဲ့ခြင်းဖြစ်ပါတယ်။
မတည်ငြိမ်တဲ့ ဒေသတစ်ခုဖြစ်သော မြောက်ကော့ကေးဆပ်မှာ ယခု တိုက်ခိုက်မှုတွေနဲ့ ပတ်သက်ပြီး ဘယ်အဖွဲ့အစည်း လက်ချက်လည်းဆိုတာတော့ လတ်တလောမှာ ထုတ်ပြန်လာခြင်း မရှိသေးကြောင်း သိရပါတယ်။
ဒီအကြ-မ်းဖက်တိုက်ခိုက်မှုတွေလုပ်ဆောင်တဲ့ အဖွဲ့အစည်းတွေနောက်မှာ ဘယ်သူတွေ ရှိနေတယ်၊ ဘယ်လို ရည်ရွယ်နဲ့လုပ်နေတယ်ဆိုတာကို မိမိတို့ နားလည်သိရှိထားကြောင်း မာလီကော့ဗ်က အသေးစိတ်အချက်တွေ မဖော်ပြဘဲ ပြောဆိုခဲ့ပါတယ်။
တိုက်ခိုက်ခဲ့သူတွေထဲမှာ ဒါဂျက်စတန်အလယ်ပိုင်း ဆာဂိုကာလာခရိုင် အကြီးအကဲရဲ့ သားနှစ်ဦးပါဝင်ကြောင်းနဲ့ သူတို့ကို စုံစမ်းစစ်ဆေးသူတွေက ထိန်းသိမ်းထားကြောင်း ဥပဒေအဖွဲ့ဝင်တစ်ဦးကို ကိုးကားပြီး ရုရှားနိုင်ငံပိုင် မီဒီယာက ဖော်ပြသွားပါတယ်။
အခင်းဖြစ်စဉ်အတွင်း ေ-သနတ်သမားခြောက်ဦး ပ-စ်ခံခဲ့ရကြောင်း မာလီကော့ဗ်က ပြောဆိုပါတယ်။ အမျိုးသား အကြ-မ်းဖက်မှုတိုက်ဖျက်ရေးကော်မတီကို ကိုးကားပြီး ရုရှားနိုင်ငံပိုင် သတင်းအေဂျင်စီတွေ ထုတ်ပြန်ရာမှာတော့ ေ-သနတ်သမား ငါးဦး ေ-သဆုံးခဲ့တယ်လို့ ဆိုထားပါတယ်။
Ref: SWI
