ထရန့်ရဲ့ ပင်ဆယ်လ်ဗေးနီးယား မဲဆွယ်စည်းရုံးပွဲမှာ ပစ်ခတ်မှုဖြစ်ခဲ့ခြင်းနဲ့ ပတ်သက်ပြီး ကမ္ဘာ့ခေါင်းဆောင်တွေက ရှုတ်ချခဲ့ကြပါတယ်။ ယင်း ပစ်ခတ်မှုဖြစ်စဉ်အတွင်း သမ္မတဟောင်းဟာ ယာဘက်နားမှာ ေ-သနတ်ဒဏ်ရာရခဲ့ပြီး မဲဆွယ်ပွဲတက်ရောက်သူတစ်ဦးနဲ့ ေ-သနတ်သမားတို့ ေ-သဆုံးခဲ့ပါတယ်။
ယင်းဖြစ်ရပ်နဲ့ပတ်သက်ပြီး တုန်လှုပ်ရကြောင်း၊ နိုင်ငံရေးအကြမ်းဖက်မှုကို ရှုတ်ချကြောင်းနဲ့ ထရန့်အမြန်ဆုံး ပြန်ကောင်းလာစေဖို့ ဆန္ဒပြုကြောင်း ခေါင်းဆောင်အသီးသီးက ထုတ်ဖော်ပြောဆိုခဲ့ကြပါတယ်။
ကုလသမဂ္ဂအတွင်းရေးမှူးချုပ် အန်တိုနီယို ဂူတာရက်စ်ရဲ့ ပြောရေးဆိုခွင့်ရှိသူတစ်ဦးက ပစ်ခတ်မှုကို ရှုတ်ချခဲ့ပြီး ဒါဟာ နိုင်ငံရေးအကြမ်းဖက်တဲ့ လုပ်ရပ်တစ်ခုဖြစ်တယ်လို့ ပြောဆိုခဲ့ပါတယ်။
ဂျပန်ဝန်ကြီးချုပ် ဖူမီယို ကီရှီဒါကလည်း မိမိတို့ဟာ ဒီမိုကရေစီကို စိန်ခေါ်တဲ့ ဘယ်လိုအကြမ်းဖက်မှုပုံစံမျိုးကိုမဆို အခိုင်အမာ ဆန့်ကျင်ရပ်တည်ရမှာဖြစ်ကြောင်း ပြောဆိုသွားပါတယ်။
ပစ်ခတ်မှုအတွင်း အခြား မဲဆွယ်ပွဲတက်ရောက်သူနှစ်ဦးလည်း ဒဏ်ရာရခဲ့ကြောင်း အမေရိကန်လျှို့ဝှက်ထောက်လှမ်းရေးဋ္ဌာနက ပြောဆိုခဲ့ပြီး ယခုဖြစ်စဉ်ကို လုပ်ကြံသ – တ်ဖြတ်ရန် ကြိုးစားမှုတစ်ခုအဖြစ် စုံစမ်းစစ်ဆေးမှုလုပ်နေတယ်လို့ သတင်းရင်းမြစ်တစ်ခုက ရိုက်တာကို ပြောဆိုကြောင်း သိရပါတယ်။
မဲဆွယ်ပွဲမှာ တွေ့မြင်ရတဲ့ တုန်လှုပ်ခြောက်ခြားဖွယ် မြင်ကွင်းတွေကြောင့် ထိတ်လန့်ရကြောင်း၊ မည်သည့်နိုင်ငံရေး အကြမ်းဖက်မှု ပုံစံမျိုးမှ မိမိတို့ လူ့အဖွဲ့အစည်းမှာ နေရာမရှိကြောင်းနဲ့ ဒီတိုက်ခိုက်မှုအတွင်း ထိခိုက်နစ်နာရသူအားလုံးနဲ့ ထပ်တူခံစားရပါကြောင်း ဗြိတိန်ဝန်ကြီးချုပ် ကီယာစတာမာက ပြောဆိုခဲ့ပါတယ်။
သြစတြေးလျနဲ့ ကနေဒါ ဝန်ကြီးချုပ်တို့ကလည်း ပစ်ခတ်မှုကို ရှုတ်ချခဲ့ပြီး နိုင်ငံရေးအကြမ်းဖက်မှုဟာ လုံး၀ လက်ခံနိုင်စရာမရှိဘူးလို့ ကနေဒါဝန်ကြီးချုပ် ဂျပ်စတင် ထရူးဒိုးက ပြောဆိုခဲ့ပါတယ်။
ဒီပစ်ခတ်မှုဖြစ်စဉ်ဟာ သူ့ကို တုန်လှုပ်စေခဲ့ကြောင်း အစ္စရေးဝန်ကြီးချုပ် ဘင်ဂျမင် နေတန်ယာဟုက ပြောဆိုသလို ယခုသီတင်းပတ်အတွင်းက နေတိုးထိပ်သီးအစည်းအဝေးတက်ရောက်ရင်း ထရန့်နဲ့ တွေ့ဆုံထားခဲ့တဲ့ ဟန်ဂေရီဝန်ကြီးချုပ် ဗစ်တာ အော်ဘန်ကလည်း ဒီလို ဝမ်းနည်းဖွယ်ရာအချိန်ကာလမှာ သမ္မတဟောင်းအတွက် သူ ဆုတောင်းပေးနေကြောင်း ပြောဆိုခဲ့ပါတယ်။
ဒီပစ်ခတ်မှုဟာ လက်ခံနိုင်စရာမရှိဘူးလို့ ဘရာဇီးသမ္မတ လူလာဒါဆေးဗားက ပြောဆိုကာ ဒီဖြစ်ရပ်အပေါ် ရှုတ်ချကြဖို့ အခြားသူတွေကိုလည်း တိုက်တွန်းခဲ့ပါတယ်။
ထို့အတူ အိန္ဒိယဝန်ကြီးချုပ် နာရင်ဒြာမိုဒီကလည်း ထရန့်ကို မိတ်ဆွေတစ်ဦးလို့ ခေါ်ဆိုကာ အမြန်ဆုံး ပြန်သက်သာစေဖို့ ဆန္ဒပြုကြောင်း ဆိုခဲ့သလို ဖြစ်စဉ်ကို အပြင်းအထန်ရှုတ်ချကြောင်းနဲ့ နိုင်ငံရေးနဲ့ ဒီမိုကရေစီစနစ်မှာ အကြမ်းဖက်မှုအတွက် နေရာမရှိကြောင်း ပြောဆိုသွားခဲ့ပါတယ်။
Ref: DH