သန်းသန်းထွေး ပြန်လည်ပါဝင်လာသည့် ဧရာဝတီအမျိုးသမီးအသင်း မြဝတီအသင်းအား အနိုင်ရလဒ်ထွက်

နေပြည်တော်၊ မန္တလေးတိုင်းနှင့် စစ်ကိုင်းတိုင်းတို့၌ မန္တလေးငလျင်ကြီးဒဏ်ကြောင့် ပျက်စီးဆုံးရှုံးမှုများဖြစ်နေပါ်ခဲ့ရသဖြင့် ဘော့စ်နီးယားနှင့် ဟာဇီးဂိုးဗီးနားနိုင်ငံက နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်ထံ ဝမ်းနည်းကြောင်းသဝဏ်လွှာပေးပို့ခဲ့သည်။ ဘော့စ်နီးယားနှင့် ဟာဇီးဂိုးဗီးနားနိုင်ငံ သမ္မတရုံးဥက္ကဋ္ဌ မစ္စဂျယ်လီကာ ဆီဂျန်နိုဗစ် ကသဝဏ်လွှာပေးပို့ရာတွင် မြန်မာနိုင်ငံ၌လှုပ်ခတ်ခဲ့သည့် ပြင်းထန်ငလျင်ကြောင့် လူ့အသက်ပေါင်းများစွာဆုံးရှုံးခဲ့ရပြီး ပျက်စီးဆုံးရှုံးမှုများစွာဖြစ်ပေါ်ခဲ့သည်ကိုကြားသိရ၍ ဝမ်းနည်းကြေကွဲမိကာ မြန်မာနိုင်ငံအပေါ် ဆိုးရွားစွာသက်ရောက်ခဲ့သည့် အဖြစ်ဆိုးကြီးအတွက် မိမိမှအထူးပင်ဝမ်းနည်းကြေကွဲရသည်ဟု ရေးသားထားသည်။ ယခုအဖြစ်ဆိုးကြီးကြောင့် အသက်ဆုံးရှုံးခဲ့ရသူများ၏ ကျန်ရစ်သူမိသားစုနှင့်အတူ ထပ်တူဝမ်းနည်းကြေကွဲရကာ ဒဏ်ရာရရှိသူများအမြန်ပြန်လည်ကောင်းမွန်လာပါစေကြောင်းဆုမွန်ကောင်းတောင်းအပ်ပါသည်ဟုလည်း ရေးသားထားသည်။

နေပြည်တော်၌ မန္တလေးငလျင်ကြီးဒဏ်သင့်သူများအား ကုသမှုများပြုလုပ်ပေးလျက်ရှိသည့် ဘူတန်နိုင်ငံမှ ဆေးဘက်ဆိုင်ရာအရေးပေါ်ကယ်ဆယ်ရေးအဖွဲ့သည် ခေတ်မီရေသန့်စင်စက်များနှင့် လှူဖွယ်ပစ္စည်းများကို ယနေ့ ဧပြီ ၁၆ ရက်ကလှူဒါန်းခဲ့ကြသည်။ ဘူတန်အဖွဲ့သည် ပျဉ်းမနားမြို့နယ်၊ ညောင်ပင်သာကျေးရွာရှိ အခြေခံပညာအထက်တန်းကျောင်းတွင် ခေတ်မီအလိုအလျောက်ရေသန့်စင်စက်နှင့် ရေလီတာ(၂၀၀၀)ဆံ့ရေတိုင်ကီ၊ ပျဉ်းမနားမြို့၊ မဟာဝိသုတာရာမဈေးကုန်း ပရိယတ္တိစာသင်တိုက်၏ ဦးစီးပဓာနနာယကဆရာတော်ထံ အမေရိကန်ဒေါ်လာ(၁၃၀၀၀)ကျော်တန်ဖိုးရှိ ဆွမ်းဆန်တော်(၁၀)အိတ်၊ စားသုံးဆီနှင့် စားသောက်ဖွယ်ရာများ၊ အရေးပေါ်ကယ်ဆယ်ရေး ပစ္စည်းများကိုလှူဒါန်းခဲ့သည်။ ပျဉ်းမနားမြို့နယ်အတွင်းထိခိုက်ပျက်စီးခဲ့သောအဆောက်အဦးများအား ဖယ်ရှားရှင်းလင်းနေသူများကိုလည်း စောင်၊ ခြင်ထောင်များ၊ အရေးပေါ်ကာကွယ်ရေးဆိုင်ရာတစ်ကိုယ်ရည်သုံးပစ္စည်းများနှင့် စားသောက်ဖွယ်ရာများလှူဒါန်းပေးခဲ့သည်။ ပေါင်းလောင်းအားကစားကွင်း၌ဖွင့်လှစ်ထားသည့် ယာယီဆေးရုံ(ပေါင်းလောင်း) ၌ တပ်မတော်ဆေးဝန်ထမ်းတပ်ဖွဲ့နှင့် ကျန်းမာရေးဝန်ကြီးဌာနတို့မှ ပါရဂူကြီးများ၊ ဆရာဝန်၊သူနာပြုများနှင့် ပူးပေါင်း၍ ငလျင်ဒဏ်သင့်ပြည်သူများအား...

ဝါရှင်တန်၊ဧပြီ ၁၆ အမေရိကန်သမ္မတဒေါ်နယ်ထရမ့်ပ်သည် နောက်ဆုံးပြုလုပ်ခဲ့သည့် မီဒီယာကန့်သတ်မှုတစ်ခုအနေဖြင့် ရိုက်တာနှင့်ဘလွန်းဘက်ဂ်သတင်းဌာနများကို အမေရိကန်သမ္မတ၏သတင်းများကို အချိန်နှင့်တစ်ပြေးညီထုတ်ပြန်ရန်အတွက် အိမ်ဖြူတော်၌ သတင်းရယူ‌ေရးအဖွဲ့ ၌ သတင်းယူခွင့်ပြုတော့မည်မဟုတ်ကြောင်း သတင်းထုတ်ပြန်ကြေငြာခဲ့သည်။ Small pool ဟုခေါ်သော အိမ်ဖြူတော်သတင်းယူအဖွဲ့တွင် ယေဘုယျအားဖြင့် သတင်းဌာနအသီးသီး၏ အဖွဲ့ငယ်ပေါင်း ၁၀ ဖွဲ့ခန့်ပါဝင်လေ့ရှိပြီး ၎င်းတို့သည် သမ္မတသွားလေရာလိုက်ပါ၍သော်လည်းကောင်း၊ သမ္မတ၏ ဘဲဥပုံ ရုံးခန်း၌ အစည်းအဝေးပြုလုပ်လျှင်သော်လည်းကောင်း မေးခွန်းများမေးမြန်းကာ သတင်းရယူကြသည့်မီဒီယာအဖွဲ့လည်းဖြစ်သည်။ ယခုအသစ်ထုတ်ပြန်လိုက်သည့်အမိန့်အရ ဖော်ပြပါသတင်းဌာနနှစ်ခုသည် သမ္မတနား၌အနီးကပ်နေကာ အချိန်နှင့်တပြေးညီသတင်းယူခွင့်၊ကြေငြာခွင့်များကိုကန့်သတ်ခံလိုက်ရခြင်းဖြစ်ပြီး အခြားမီဒီယာများနည်းတူသာသတင်းယူခွင့်ရတော့မည့်သဘောပင်ဖြစ်သည်။ သို့သော်ကျန်မီဒီယာအများစုသည် အိမ်ဖြူတော်နှင့်သမ္မတအနားရှိမီဒီယာကြီးများကိုသာအားကိုးကာ သတင်းများအားထုတ်လွှင့်နေရခြင်းဖြစ်သဖြင့်လည်း ယခုအမိန့်သည် မီဒီယာလွတ်လပ်ခွင့်ကို ကန့်သတ်လိုက်သလိုဖြစ်နေသည်ဟုဆိုသည်။ သို့သော် ရိုက်တာသတင်းဌာနကမူ ၎င်းတို့သတင်းဌာနအနေဖြင့်...