နိုင်ငံအတွင်း ဖြစ်ပေါ်ခဲ့သည့် ရေကြီးမှုဖြစ်စဉ်၌ ေ-သကြေ၊ ထိခိုက်ဆုံးရှုံးမှုများနှင့် ပတ်သက်ပြီး တောင်ကိုရီးယား မီဒီယာများက မမှန်မကန် ကောလာဟလဖြန့်ခဲ့ကြကြောင်း မြောက်ကိုရီးယားခေါင်းဆောင် ကင်ဂျုံအန်က စွပ်စွဲပြောဆိုသည်ဟု နိုင်ငံပိုင် သတင်းဋ္ဌာနက ဖော်ပြသည်။ ရေဘေးအတွက် လူသားချင်းစာနာထောက်ထားမှု အကူအညီများ ပေးအပ်မည့်အကြောင်း ဆိုးလ်က ကမ်းလှမ်းခဲ့အပြီး နောက်တစ်နေ့တွင် ကင်ဂျုံအန်၏ စွပ်စွဲချက် ထွက်လာခြင်းဖြစ်သည်။
နိုင်ငံမြောက်ပိုင်းဒေသများတွင် ရေကြီးရေလျှံမှုဖြစ်စဉ်များကြောင့် အရေအတွက် အတိအကျ မသိရသေးသော ထိခိုက်ေ-သဆုံးမှုများဖြစ်ခဲ့ကြောင်းနှင့် လူနေအိမ်ခြေများ ထောင်နှင့်ချီ ၍ပျက်စီးခဲ့ကြောင်း ယခုသီတင်းပတ်အစောပိုင်းတွင် မြောက်ကိုရီးယားက ပြောဆိုခဲ့သည်။
ရေကြီးရေလျှံမှုများကြောင့် ေ-သဆုံးသူနှင့် ပျောက်ဆုံးသူ ဦးရေသည် ၁,၅၀၀ အထိ မြင့်တက်လာကြောင်း တောင်ကိုရီးယား သတင်းဌာနများက ဖော်ပြခဲ့ကြပြီးနောက် မြောက်ကိုရီးယား ရေဘေးကြုံရသူများအတွက် လူသားချင်းစာနာမှု အကူအညီများကို အလျင်အမြန် ပေးအပ်လိုကြောင်း ကြာသပတေးနေ့တွင် ဆိုးလ်က ကမ်းလှမ်းခဲ့သည်။
ရဟတ်ယာဉ်ပျ-က်ကျမှုဖြစ်စဉ်အတွင်း ကယ်ဆယ်ရေးလုပ်သားများပါ ေ-သဆုံးခဲ့ဖွယ်ရှိသည်ဟု Chosun TV က သတင်းဖော်ပြခဲ့ပြီး နောက်ပိုင်းတွင် အခြားသတင်းဋ္ဌာနများကပါ ၎င်းသတင်းကို ထပ်ဆင့်ဖော်ပြခဲ့ကြသည်။
သို့ရာတွင် လူေ-သဆုံးမှု သည် ၁၀၀၀ မှ ၁၅၀၀ ကြား ရှိနိုင်သည်ဟူသော မမှန်မကန် ကောလာဟလဖြန့်ချိခဲ့သည့် သတင်းများကို မြောက်ကိုရီးယားခေါင်းဆောင် ကင်ဂျုံအန်က ပြစ်တင်ရှုတ်ချခဲ့သည်ဟု KCNA သတင်းဋ္ဌာနက ဖော်ပြသည်။
“ဆိုးလ် ရဲ့ စွဲနေတဲ့ အကျင့်ဆိုးတွေနဲ့ စက်ဆုပ်ဖွယ်ရာ အလေ့အထကို ကင်က ပြင်းပြင်းထန်ထန် ဝေဖန်ပြစ်တင်လိုက်ပါတယ်” ဟု KCNA က တောင်ကိုရီးယားနိုင်ငံကို ရည်ညွှန်းကာ စနေနေ့တွင် ဖော်ပြခဲ့သည်။ ရေကြီးမှု သတင်းဖော်ပြချက်များသည် မိမိတို့အပေါ် အရှက်တကွဲဖြစ်စေရေး၊ မြောက်ကိုရီးယား အပေါ် အမြင်ကို ညှိးနွှမ်းစေရေး တောင်ကိုရီးယား၏ အပုပ်ချလှုပ်ရှားမှုများတွင် ပါဝင်ကြောင်းလည်း ကင်မ်က ပြောဆိုခဲ့ကြောင်း သိရသည်။
၎င်းတို့၏ သဘာဝဘေး ကြိုတင်ကာကွယ်ရေးဆိုင်ရာ တာဝန်များကို လျစ်လျူရှုခဲ့ကြသည့် တာဝန်ရှိသူများကြောင့် အရေအတွက် အတိအကျမသိရသော ေ-သဆုံးထိခိုက်မှုများ ဖြစ်စေခဲ့သည်ဟု မြောက်ကိုရီးယားက ရေဘေးသင့်နေရာများကို တိကျစွာမဖော်ပြဘဲ ဗုဒ္ဓဟူးနေ့တွင် ပြောဆိုခဲ့သည်။
သို့ရာတွင် အကြီးမားဆုံး ရေဘေးသင့် ပျက်စီးမှုများဖြစ်ခဲ့သော Sihuju ဧရိယာတွင် လူအေ-သအပျောက် လုံး၀ မရှိခဲ့ဟု စနေနေ့တွင် မြောက်ကိုရီးယားက ထပ်မံပြောဆိုခဲ့သည်။ မြောက်ကိုရီးယား လေတပ်က လူ ၅,၀၀၀ ကျော်ကို ကယ်ဆယ်ပေးခဲ့ပြီး ယင်းတို့ထဲမှ ၄,၂၀၀ ခန့်ကို နာရီအနည်းငယ်အတွင်း ရဟတ်ယာဉ်များဖြင့် ကယ်ဆယ်ပေးခဲ့ခြင်းဟု ဆိုခဲ့သည်။
Ref: Philstar
