ပါရီ၊ဩဂုတ် ၅
ပြင်သစ်နိုင်ငံ၌ကျင်းပနေသည့် အိုလံပစ်အားကစားပြိုင်ပွဲ၌ အမျိုးသားဝါးလုံးထောက်ခုန်ပြိုင်ပွဲတွင် ဆွီဒင်ကစားသမား အာမန်ဂျူပလန်တစ်က ကမ္ဘာ့စံချိန်ချိုးပြီး ရွှေတံဆပ်ဆုရသွားကြောင်းသိရသည်။
၎င်း၏ အံ့ဩဖွယ်ကောင်းသော ကမ္ဘာ့စံချိန်ချိုးမှုတွင် အမြင့်ပေ ၆ ဒသမ ၂၅ မီတာအထိရောက်ရှိခဲ့ပြီး ၎င်း၏ယခင်စံချိန် ၆ ဒသမ ၂၄ ထက် ၁ စင်တီမီတာပိုများကာ မိမိစံချိန်ကို မိမိပြန်ချိုးခဲ့ခြင်းဖြစ်သည်။
ထူးခြားသည်မှာ အမေရိကန်နိုင်ငံဖွားဆွီဒင်လူမျိုး အာမန်သည် ကိုးကြိမ်မြောက်ကမ္ဘာ့စံချိန်ချိုးခြင်းဖြစ်သည်။
အာမန်ကရွှေတံဆိပ်ရရှိပြီး အမေရိကန်ကစားသမား ဆမ်ကန်ဒရစ်ခ်က ၅ ဒသမ ၉၅ မီတာဖြင့် ငွေတံဆိပ်နှင့် ဂရိကစားသမား အမန်နူရယ်ကာရာလစ်စ်က ၅ ဒသမ ၉၀ မီတာဖြင့် ကြေးတံဆိပ်များကို အသီးသီးဆွတ်ခူးခဲ့ကြသည်။
အာမန်သည် ၁၉၅၂ ခုနှစ်နှင့် ၁၉၅၆ ခုနှစ်က အမေရိကန်အားကစားသမား ဘော့ဘ်ရစ်ချက်ခ်ျပြီးနောက် ဝါးလုံးထောက်ခုန်အားကစား၌ ချန်ပီယံဘွဲ့ကိုထိန်းသိမ်းနိုင်ခဲ့သည့် ပထမဆုံးသောကစားသမားလည်းဖြစ်လာခဲ့သည်။
Source : အယ်လ်ဂျာဇီးရာ
