ဂါဇာ၊ဩဂုတ် ၉
အီရန်က အစ္စရေးကို အရှေ့အလယ်ပိုင်း၌ စစ်ပွဲကို ပိုကြီးမားအောင်လုပ်နေသည်ဟု စွပ်စွဲပြောစဉ်အစ္စရေးက ဂါဇာ၌ ၎င်း၏တိုက်ခိုက်မှုကို အရှိန်မြှင့်တင်ခဲ့ကာ ဗုံးကျဲသဖြင့် ကျောင်းနှစ်ကျောင်း ဗုံးဒဏ်သင့်ခဲ့ပြီး ၁၈ ဦးထက်မနည်းထပ်မံေ-သဆုံးခဲ့ကြောင်းသိရသည်။
အဆိုပါတိုက်ခိုက်မှုဖြစ်စဉ်တွင် လူအယောက် ၆၀ ခန့်ဒဏ်ရာရခဲ့ပြီး ၄၀ ကျော်ပျောက်ဆုံးနေသည်ဟုသိရသည်။ယခုလုပ်ရပ်သည် စာသင်ကျောင်းနှင့် အရပ်သားပြည်သူများကို အဓိကထား တိုက်ခိုက်ခြင်းသာဖြစ်သည်ဟုလည်း ဂါဇာအာဏာပိုင်များကဆိုသည်။
ထိပ်တန်းစစ်သွေးကြွခေါင်းဆောင်နှစ်ဦးလုပ်ကြံခံခဲ့ရမှုနှင့်ပတ်သက်၍ တင်းမာမှုများမြင့်တက်လျက်ရှိပြီး အရှေ့အလယ်ပိုင်းတွင် စစ်မီးပို၍မပျံ့စေရန် တင်းမာမှုကို လျှော့ချဖို့ အနောက်နိုင်ငံများက ကြိုးပမ်းလျက်ရှိသော်လည်း စစ်သွေးကြွများနှင့်၎င်းတို့ကိုထောက်ခံသူ အီရန်နိုင်ငံသားများက လက်စားချေရန်ကြုံးဝါးလျက်ရှိသည်။
အစ္စရေးဘက်ကယင်းသို့လုပ်လိုက်ခြင်းသည် မဟာဗျူဟာမြောက် အမှားကြီးတစ်ခုကိုကျူးလွန်လိုက်ခြင်းဖြစ်ကြောင်း အီရန်နိုင်ငံခြားရေးဝန်ကြီးက ပြောခဲ့ပြီး ဆက်ဆက်တုန့်ပြန်မည်ဟုလည်းဆိုခဲ့သည်။
အစ္စရေးဝန်ကြီးချုပ် နေတန်ယာဟုကမူ အစ္စရေးအနေဖြင့် ထိုးစစ်ရောခံစစ်ပါ အဆင်သင့်ပြင်ဆင်ထားပြီးဖြစ်ကာ မိမိတို့၏အချုပ်အခြာအာဏာကို ကျိန်းသေကာကွယ်သွားမည်ဟုလည်း စစ်အခြေစိုက်စခန်းတစ်ခု၌ပြောကြားခဲ့သည်။
Source : အေအက်ဖ်ပီ/အက်ဖ်အက်စ်
