ဝါရှင်တန်၊ဩဂုတ် ၁၇
အမေရိကန်နိုင်ငံခြားရေးဝန်ကြီး အန်တိုနီ ဘလင်ကန်သည် ဂါဇာအပစ်အခတ်ရပ်စဲရေးအစီအစဉ်ကို တွန်းအားပေးရန်အတွက် ယခုသီတင်းပတ်ကုန်၌ အစ္စရေးသို့သွားမည်ဖြစ်ကြောင်း နိုင်ငံခြားရေးဝန်ကြီးဌာနကထုတ်ပြန်ကြေငြာခဲ့သည်။
မစ္စတာဘလင်ကန်သည် စနေနေ့၌ထွက်ခွာမည်ဖြစ်ပြီး “အပစ်အခတ်ရပ်စဲရေးသဘောတူညီချက်ကို နိဂုံးချုပ်ရန်နှင့် ဆွေးနွေးပွဲ၌သဘောထားကွာဟမှုများကို ပေါင်းကူးရန် ဓ-ါးစာခံများနှင့် ထိန်းသိမ်းခံထားရသူများကိုလွှတ်ပေးရန်” ဒိုဟာ၌ပြုလုပ်သည့်ဆွေးနွေးပွဲအတွင်း တင်ပြသွားမည်ဖြစ်ကြောင်း နိုင်ငံခြားရေးဌာန၏ထုတ်ပြန်ချက်တွင်ဖော်ပြထားသည်။
“ကာတာမြို့တော် ဒိုဟာမှာ နှစ်ရက်ကြာဆွေးနွေးပြီးတဲ့နောက် အပစ်အခတ်ရပ်စဲရေးကအရင်ကထက်ပိုနီးကပ်လာပါတယ်” ဟုလည်း သမ္မတဘိုင်ဒင်ကပြောကြားခဲ့သည်။
မစ္စတာဘလင်ကန်အပါအဝင် အီဂျစ်နှင့်ကာတာတို့မှ ခေါင်းဆောင်များကလည်း အစ္စရေးနှင့်ဟားမတ်စ်တို့အား ဒိုဟာ၌ကျင်းပသည့် ဆွေးနွေးပွဲသို့ နှစ်ဖက်သက်ဆိုင်သူများတက်ရောက်ပေးကြရန်တိုက်တွန်းထားကြသည်။
Source : အေအက်ဖ်ပီ/အက်ဖ်အက်စ်
