ဧရာဝတီတိုင်းဒေသကြီးတွင် ရေကြီးနစ်မြုပ်မှုကြောင့် ထိခိုက်ပျက်စီးခဲ့သည့် တောင်သူများအား မျိုးစပါးနှင့် သွင်းအားစုများ ထောက်ပံ့ပေးအပ်ခဲ့ကြောင်း သိရသည်။
ဇွန် (၂၃) ရက်က အိမ်မဲမြို့နယ် အထွေထွေအုပ်ချုပ်ရေးဦးစီးဌာန၊ ရွှေပြည်တန်ခန်းမတွင် ထောက်ပံ့ပေးအပ်ပွဲ ပြုလုပ်ခဲ့ကာ တိုင်းဒေသကြီးဝန်ကြီးချုပ်လည်း တက်ရောက်ခဲ့ကြောင်း သိရသည်။
အခမ်းအနားတွင် တိုင်းဒေသကြီးဝန်ကြီးချုပ်က မိုးအဆက်မပြတ်ရွာသွန်းမှုများပြားပြီး မြစ်ရေကြီးမှုဖြစ်စဥ်များကြောင့် တိုင်းဒေသကြီးအတွင်း၌ စိုက်ပျိုးဧကများရေကြီး နစ်မြုပ်ခဲ့ရပါကြောင်း၊ တိုင်းဒေသကြီးအတွင်း ရေကြီးနစ် မြုပ်ထိခိုက်ပျက်စီးခဲ့သည့် စိုက်ဧကများအတွက်မျိုး စပါးနှင့် သွင်းအားစုများကို နည်းလမ်းအသွယ်သွယ်ဖြင့်အချိန်မီကုစားနိုင်ရေးဆောင်ရွက်ပေးလျက်ရှိကြောင်း ပြောကြားခဲ့သည်။
ရေကြီးနစ်မြုပ်မှုကြောင့် ထိခိုက်ပျက်စီးခဲ့သည့် စိုက်ဧကများမှ ပြန်ပေါ်စိုက်ဧကများတွင် ပျက်စီးခဲ့သည်စိုက်ဧကများအား မိုးစပါးများပြန်လည်ထွန်ယက်စိုက်ပျိုးခြင်းနှင့် ထိခိုက်ခဲ့သည့်စိုက်ဧကများအတွက် အထွက်နှုန်းများထိ ခိုက်မှုမရှိစေရေးကုစားခြင်းများဆောင်ရွက်လျက်ရှိကြောင်းလည်း ဝန်ကြီးချုပ်က ပြောသည်။
ထို့ပြင် ထိခိုက်ပျက်စီးခဲ့သည့် စိုက်ဧကများတွင် အချိန်မီကုစားဖြည့်တင်းစိုက်ပျိုးနိုင်ရေးအတွက် လိုအပ်သော မျိုးစပါး၊ သွင်းအားစုများကို ဝယ်ယူကြိတ်ခွဲရေးအစုအဖွဲ့များ၊ သွင်းအားစုကုမ္ပဏီများ၊ မျိုးစေ့ထုတ်ကုမ္ပဏီများ ဖိတ်ခေါ် ၍ ထောက်ပံ့ဆောင်ရွက်ပေးလျက်ရှိပါကြောင်း၊ တောင်သူများအနေဖြင့်လည်း ထိခိုက်ပျက်စီးခဲ့သည့် စိုက်ဧကများတွင် အချိန်မီ ကုစားစိုက်ပျိုးနိုင်ရေးအတွက် ဆောင်ရွက်ကြရမည်ဖြစ်ပါကြောင်းနှင့် စိုက်ဧကများပြည့်မီစေရေးနှင့် အထွက်နှုန်းများထိခိုက်မှုမရှိစေရေး အတွက်အားလုံးတက်ညီလက်ညီပူးပေါင်းဆောင်ရွက်သွားရန်ပြောခဲ့သည်။
