ဘက်ပူး၊ဩဂုတ် ၃၀
တိုင်ဖွန်းမုန်တိုင်း ရှန်းရှန်းသည် သြဂုတ် ၃၀ ရက်တွင် ဂျပန်နိုင်ငံကိုဖြတ်၍ ဖြည်းဖြည်းချင်းဝင်ရောက်လာသောကြောင့် စံချိန်တင်မိုးရွာသွန်းမှုများဖြစ်ပေါ်ကာလမ်းပန်းဆက်သွယ်ရေးများပြတ်တောက်ခဲ့ပြီး လူခြောက်ဦးေ-သဆုံးကာ မြေပြိုနိုင်မှုအန္တရာယ်အတွက်လည်း ကျယ်ကျယ်ပြန့်ပြန့် သတိပေးချက်ထုတ်ပြန်ထားကြောင်းသိရသည်။
ဆယ်စုနှစ်များစွာအတွင်း ဂျပန်နိုင်ငံသို့ အပြင်းထန်ဆုံးမုန်တိုင်းအဖြစ်တိုက်ခတ်ခဲ့သည့် ရှန်းရှန်းသည် ယခုအခါအားပျော့သွားပြီး အပူပိုင်းဆိုက်ကလုန်းအဖြစ်လျော့နည်းသွားပြီဖြစ်သော်လည်း သောကြာနေ့အစောပိုင်းအထိ လေတိုက်နှုန်း သည် ၁ နာရီလျှင် ၁၂၆ ကီလိုမီတာဖြင့်ဆက်ရှိနေနိုင်ကြောင်းခန့်မှန်းထားကြသည်။
ကျူရှုးဒေသ၌လည်း မိုးသည်းထန်မှုကြောင့် မြေပြိုကာ ၄ ဦးေ-သဆုံးကြောင်းသိရသည်။လူ ၈ ဦး ပြင်းထန်ဒဏ်ရာရကာ ၇၀ ခန့်က မစိုးရိမ်ရဒဏ်ရာများရရှိခဲ့ပြီး အိမ်ခြေ ၂၀၀ နီးပါးပျက်စီးခဲ့သည်ဟုလည်းသိရသည်။
ဂျပန်အာဏာပိုင်များသည်လည်း နိုင်ငံ၏ နေရာ အများအပြားတွင် အမြင့်ဆုံးသတိပေးချက်ထုတ်ပြန်ထားပြီး လူငါးသန်းကျော်ကို ဘေးလွတ်ရာသို့ ရွှေ့ပြောင်းရန် အကြံပြုထားသည်။
ဂျပန်မိုးလေဝသ ဌာန ကလည်း မြေပြိုမှူများထပ်မံဖြစ်ပွားနိုင်ကြောင်းသတိပေးထားပြီး အထူးသဖြင့်ကျူရှူးဒေသတွင် သတိထားသင့်ကြောင်း ပြောသည်။
Source : အေအက်ဖ်ပီ