ဟနွိုင်း၊စက်တင်ဘာ ၁၁
ဗီယက်နမ်နိုင်ငံ၌ တိုက်ဖွန်းမုန်တိုင်းယာဂီကြောင့် ရွာငယ်လေးများရေနစ်မြုပ်ကာ လူ ၁၆ ဦးထပ်မံေ-သဆုံးပြီး စုစုပေါင်းေ-သဆုံးသူ ၁၄၁ ဦးအထိဖြစ်လာကြောင်းသိရှိရသည်။ပျောက်ဆုံးနေသူလည်း ဒါဇင်နှင့်ချီရှိနေကြောင်းသိရသည်။
ရေကြီးရေလျှံမှုကြောင့် တောင်တစ်ခုမှ စီးဆင်းလာသည့်ရွှံ့စေးရေများကလည်း အိမ်ခြေ ၃၅ အိမ်သာရှိသည့် ရွာငယ်လေးတစ်ခုကို ဖုံးလွှမ်းသွားခဲ့သည်။
အဆိုပါရွာမှ ရွာသူရွာသားများအနက် ၁၆ ဦး၏ရုပ်အလော-င်းများကို ကယ်ဆယ်ရေးသမားများရှာဖွေတွေ့ရှိထားပြီး ကျန်နေသေးသည့်လူ ၄၀ ခန့်ကိုမူ ဆက်လက်ရှာဖွေနေသည်ဟု သိရသည်။
ဗီယက်နမ်၌ တိုက်ဖွန်းယာဂီကြောင့် ေ-သဆုံးသူဦးရေသည် ၁၄၁ ဦးအထိတိုးလာခဲ့ပြီး ၆၉ ဦး ပျောက်ဆုံးနေသေးကာလူများ ရာနှင့်ချီ၍ ဒဏ်ရာရရှိခဲ့သည်ဟုလည်း VTV မီဒီယာကပြောကြားခဲ့သည်။
ယာဂီသည် အရှေ့တောင်အာရှနိုင်ငံများသို့ဝင်ရောက်သည့်မုန်တိုင်းများအနက် ဆယ်စုနှစ်များစွာအတွင်း ဝင်ရောက်တိုက်ခတ်ခဲ့သည့် အပြင်းထန်ဆုံး တိုက်ဖွန်းမုန်တိုင်းလည်းဖြစ်သည်။
၎င်းသည် တနင်္ဂနွေနေ့ကတည်းက အားပျော့သွားပြီဖြစ်သော်လည်း မိုးဆက်လက်ရွာသွန်းမှုများကြောင့် မြစ်ရေများ မြင့်မားနေဆဲဖြစ်သည်ဟုလည်းသိရသည်။
Source : အေပီနူးစ်
