ဖီလက်ဒယ်လ်ဖီးယား၊စက်တင်ဘာ ၁၈
အစ္စရေး – ဂါဇာစစ်ပွဲ ကို အဆုံးသတ်နိုင်ရန် အစ္စရေးအနေဖြင့် ပါလက်စတိုင်းနယ်မြေကို ပြန်လည်သိမ်းပိုက်ခြင်းမပြုဘဲ အပစ်အခတ်ရပ်စဲရေး ကို အကောင်အထည်ဖော်ဆောင်သင့်ကြောင်း အမေရိကန်ဒီမိုကရက်တစ်ပါတီသမ္မတလောင်း ကင်မ်မလာဟားရစ်ကပြောကြားခဲ့သည်။
အစ္စရေးနှင့်ဟားမတ်စ်တို့အကြားစစ်ပွဲကိုအမြန်အဆုံးသတ်ပြီး အရှေ့အလယ်ပိုင်းတည်ငြိမ်ရေးကို ဦးစားပေးဖော်ဆောင်စေလိုကြောင်းကိုလည်း ၎င်းကပြောကြားခဲ့သည်။ နှစ်နိုင်ငံစနစ်ဖြင့်စစ်ပွဲကိုအမြန်ရပ်တန့်ပြီး အီရန်ကိုဩဇာမပေးသည့်နည်းလမ်းဖြင့် အပစ်အခတ်ရပ်စဲကြရန်ကိုလည်းတောင်းဆိုခဲ့သည်။
“ဒီလိုသဘောတူညီချက်မျိုးကပဲ ဒေသတွင်းမှာရှိတဲ့လူတိုင်းရဲ့ အကျိုးစီးပွားအတွက် အကောင်းဆုံးနည်းလမ်းဖြစ်တဲ့အတွက် အမြန်အကောင်အထည်ဖော်ဖို့လိုအပ်နေပြီဆိုတာကို ရှင်းရှင်းလင်းလင်းသိနေရပါပြီ” ဟုလည်း ၎င်းကဆက်လက်ပြောကြားခဲ့သည်။
ယမန်နှစ်အောက်တိုဘာ ၇ ရက်နေ့က ဟားမတ်စ်တို့က စတင်တိုက်ခိုက်မှုကြောင့်ဖြစ်ခဲ့ရသည့် ယခုစစ်ပွဲအတွင်း အစ္စရေးတပ်များ က လေကြောင်းမှ တန်ပြန်ထိုးစစ်ဆင်သဖြင့် ပါလက်စတိုင်းဒေသခံ ပြည်သူ ၄၁,၂၅၂ ဦးအထိေ-သဆုံးခဲ့ပြီဖြစ်ကာ ၉၅,၄၉၇ ဦးသည် ထိခိုက်ဒဏ်ရာများရရှိထားကြောင်းသိရသည်။
ဟားမတ်စ်တို့က အစ္စရေးသို့စတင်တိုက်ခိုက်ချိန်၌ အစ္စရေးနိုင်ငံသား ၁,၂၀၀ ကျော်ေ-သဆုံးကာ ဓ-ါးစာခံအဖြစ် လူပေါင်း ၂၅၀ ဦးဖမ်းဆီးခေါ်ဆောင်သွားခြင်းခံခဲ့ရကြောင်းလည်း အစ္စရေးက ထုတ်ပြန်သောစာရင်းများအရသိရှိရသည်။
Source : ရိုက်တာ/အက်ဖ်အက်စ်
