ရာသီဥတုပြောင်းလဲမှုဒဏ်ခံနိုင်ရန် ဗီယက်နမ်၊လာအို၊ကမ္ဘောဒီးယားနှင့် တောင်ကိုရီးယားတို့လက်တွဲဆောင်ရွက်မည်

ဗီယန်ကျင်း၊အောက်တိုဘာ ၁

ကမ္ဘောဒီးယား၊လာအို၊ဗီယက်နမ်နှင့်တောင်ကိုရီးယားတို့မှခေါင်းဆောင်များသည် လာအိုမြို့တော်ဗီယန်ကျင်း၌တွေ့ဆုံစုဝေးပြီး ရာသီဥတုပြောင်းလဲမှု၏ လူမှုရေးနှင့်စီးပွားရေးများအပေါ်သက်ရောက်မှုအတွက် ရာသီဥတုပြောင်းလဲမှုဆိုင်ရာ မဟာဗျူဟာများနှင့်အဖြေများကို ဆွေးနွေးခဲ့ကြောင်းသိရသည်။

လေးနိုင်ငံမှခေါင်းဆောင်များသည် “Capacity Building Conference on Regional Collaboration for Climate Resilience: Strategies,Impacts,and Sectoral Approaches” ခေါင်းစဉ်ဖြင့် ယခုဖိုရမ်အားပြုလုပ်ခဲ့ခြင်းဖြစ်သည်ဟုလည်းသိရသည်။

ယခုတွေ့ဆုံဆွေးနွေးမှုသည် ကမ္ဘောဒီးယား၊လာအိုနှင့်ဗီယက်နမ်တို့အကြား ရာသီဥတုထိန်းသိမ်းရေးဆိုင်ရာတာဝန်များကိုခွဲဝေမည်ဖြစ်ပြီး တောင်ကိုရီးယားမှကျွမ်းကျင်သူများ၏ မှတ်ချက်များကိုစုဆောင်းကာ အတွေ့အကြုံများကိုမျှဝေမည်ဖြစ်သည်။

ရာသီဥတုပြောင်းလဲမှုများအနက် အပူချိန်မြင့်တက်လာခြင်းသည်အဆိုးဆုံးဖြစ်ပြီး အဆိုပါအချက်ကြောင့်ပင် မိုးရွာသွန်းမှုပုံစံများ၊ရာသီများကိုထိခိုက်စေပြီး ရာသီဥတုဖောက်ပြန်လာကာ ကမ္ဘာတစ်ဝန်းရှိ စီးပွားရေး၊အခြေခံအဆောက်အဦ၊ကျန်းမာရေးနှင့်လူနေမှုပုံစံများကိုထိခိုက်စေခဲ့သည်။

ဆွေးနွေးခဲ့သည့်အကြောင်းအရာများမှာ ရာသီဥတုပြောင်းလဲမှုလမ်းကြောင်းများနှင့် ၎င်းတို့၏ လူမှုစီးပွားအပေါ်သက်ရောက်မှုများ၊နိုင်ငံတော်အဆင့်ကိုင်တွယ်ဖြေရှင်းရေး မဟာဗျူဟာများ၊ကဏ္ဍအလိုက်ဖြေရှင်းချက်များနှင့် နိုင်ငံတကာပူးပေါင်းဆောင်ရွက်မှုဆိုင်ရာ လေ့လာမှုများပါဝင်သည်ဟုသိရှိရသည်။

Source : ရှင်းဟွာ