ရောမ၊အောက်တိုဘာ ၂
G – 7 နိုင်ငံများ၏ခေါင်းဆောင်များသည် အရှေ့အလယ်ပိုင်း၌ တင်းမာမှုများကိုလျှော့ချကာ သံတမန်ရေးအရ ပြေလည်အောင်ညှိနှိုင်းကြရန် အလေးပေးဆောင်ရွက်စေလိုကြောင်း တောင်းဆိုခဲ့သည်ဟုသိရသည်။
လက်ရှိ G – 7 ဥက္ကဌ အီတလီဝန်ကြီးချုပ် ဂျော်ဂျီယာမယ်လိုနီဦးဆောင်ကျင်းပသည့် အရေးပေါ်အစည်းအဝေးတစ်ရပ်အပြီးတွင် ယခု သတင်းထုတ်ပြန်ချက်ထွက်ပေါ်လာခြင်းလည်းဖြစ်သည်။
မကြာသေးမီအချိန်အတွင်း အရှေ့အလယ်ပိုင်းတွင် မြင့်တက်လာသည့်ပဋိပက္ခများကို စိုးရိမ်ပူပန်မိကြောင်း ၎င်းတို့ကဆိုခဲ့ပြီး တင်းမာမှုများသည် မည်သူ့အတွက်မှအကျိုးမရှိသဖြင့် ယခုအချိန်တွင် သံတမန်နည်းအရဖြေရှင်းပါက ဖြစ်နိုင်ခြေရှိသေးသည်ဟုလည်းဆိုခဲ့သည်။
လက်ဘနွန်တောင်ပိုင်းသို့ အစ္စရေး၏ထိုးစစ်ဆင်မှုစတင်ခဲ့ပြီးနောက် G – 7 နိုင်ငံများဖြစ်သည့် ကနေဒါ၊အမေရိက၊ယူေက၊ပြင်သစ်၊ဂျာမနီ၊အီတလီနှင့်ဂျပန်တို့က အရေးပေါ်အစည်းအဝေးကျင်းပကာ အရှေ့အလယ်ပိုင်းအရေး ဆွေးနွေးခဲ့ကြခြင်းလည်းဖြစ်သည်။
ဂါဇာကမ်းမြောင်ဒေသရှိ ကုလဆုံးဖြတ်ချက် အမှတ် ၂၇၃၅ နှင့် အစ္စရေး – လက်ဘနွန်နယ်စပ်တည်ငြိမ်ရေးအတွက် ဆုံးဖြတ်ချက်အမှတ် ၁၇၀၁ တို့ကို အကောင်အထည်ဖော်ကာ နှစ်ဖက်တင်းမာမှုကိုလျှော့ချရန်လည်းကတိပြုခဲ့ကြသည်။
Source : ရှင်းဟွာ
