Time မဂ္ဂဇင်း၏ဖော်ပြချက်အရ ထိုင်းဝန်ကြီးချုပ်သစ် ပေတုန်တန်ရှင်နာဝပ်ထရာသည် ၂၀၂၄
ခုနှစ်အတွက် TIME100 Next ခေါင်းဆောင်များစာရင်းတွင် ပါဝင်ခဲ့ကြောင်းသိရသည်။
ယခင်ဝန်ကြီးချုပ်ဟောင်း ဆရီသာသာဗီဆင်ကိုဖွဲ့စည်းပုံအခြေခံဥပဒေခုံရုံးက ထုတ်ပယ်လိုက်ပြီးနောက် ထိုင်းနိုင်ငံ၏ ၃၁ ယောက်မြောက် ဝန်ကြီးချုပ်အဖြစ် ရွေးကောက်တင်မြှောက်ခံရသော မစ္စပေတုန်တန်သည် Time မဂ္ဂဇင်းကရွေးချယ်သည့် TIME 100 NEXT ၏ နိုင်ငံ့ခေါင်းဆောင်စာရင်း၌ပါဝင်လာသည့် တစ်ဦးတည်းသောထိုင်းလူမျိုးလည်းဖြစ်သည်။
TIME 100 NEXT စာရင်းအား ရွေးချယ်ရာ၌ အနုပညာရှင်၊ကျွမ်းကျင်ပညာရှင်၊တီထွင်သူ၊ရှေ့နေနှင့် ခေါင်း ဆောင်များဟူ၍ အမျိုးအစားငါးမျိုးခွဲခြားထားသည်ဟုသိရသည်။
“ဒီနွေရာသီမှာ ပေတုန်တန်က သမိုင်းဝင်အရာတစ်ခုကိုလုပ်နိုင်ခဲ့ပါတယ်။သူ့ရဲ့ ၃၈ နှစ်ပြည့် မွေးနေ့မတိုင်ခင် ရက်ပိုင်းအလို သြဂုတ် ၁၈ ရက်မှာပဲ ထိုင်းဝန်ကြီးချုပ်အဖြစ်ရော အာရှရဲ့အသက်အငယ်ဆုံးအမျိုးသမီးခေါင်းဆောင်အဖြစ်ပါအတည်ပြုခံခဲ့ရပါတယ်” ဟုလည်း အမေရိကန်အခြေစိုက် သတင်းစာစောင်ကဖော်ပြခဲ့သည်။
အသက် ၃၈ နှစ်အရွယ်ရှိ မစ္စ ပေတုန်တန်သည် TIME မဂ္ဂဇင်း၏စာရင်း၌ပါဝင်ခဲ့သည့် ဖြူထိုင်းပါတီမှ ပထမဆုံးပါတီဝင်အမျိုးသမီးဖြစ်ပြီး ၎င်း၏အဒေါ် ယဉ်လတ်ကမူ ၂၀၁၁ နှင့် ၂၀၁၂ ခုနှစ်အတွက် Forbes ၏ “သြဇာအရှိဆုံးအမျိုးသမီးများ” စာရင်းတွင်ပါဝင်ခဲ့ဖူးသူတစ်ဦးလည်းဖြစ်သည်။
ထို့ပြင် ပေတုန်သည် Bangkok Post’s Women of the Year 2024 တွင်လည်း ဆုချီးမြှင့်ခံခဲ့ရသူတစ်ဦးဖြစ်သည်။
