ဆိုးလ်၊အောက်တိုဘာ ၄
မြောက်ကိုရီးယား၏ အချုပ်အခြာအာဏာကို ထိပါးစော်ကားပြီး တိုက်ခိုက်ရန်ကြိုးပမ်းလာပါက နျူကလီးယားလက်နက်အပါအဝင် ရှိသမျှ တိုက်ခိုက်ရေးအင်အားကိုထုတ်သုံးပြီး တုန့်ပြန်မည်ဟုကိုရီးယားဒီမိုကရက်တစ်ပြည်သူ့သမ္မတနိုင်ငံ ခေါင်းဆောင် ကင်မ်ကပြောကြားခဲ့သည်။
မြောက်ကိုရီးယား ခေါင်းဆောင် ကင်မ်သည် ယခုသီတင်းပတ်အစောပိုင်းက အထူးစစ်ဆင်ရေးဌာနများ၏ လေ့ကျင့်ရေးစခန်းများသို့ သွားရောက်စစ်ဆေးစဉ် ယခုကဲ့သို့ပြောကြားခဲ့ခြင်းဖြစ်သည်။
ရန်သူများ၏ခြိမ်းခြောက်ပြောဆိုမှု၊အာဝဇ္ဇန်းကောင်းကောင်းနှင့်လှည့်စားမှု၊သိမ်းသွင်းမှုများသည် မြောက်ကိုရီးယား၏ နျူလက်နက်ကို ထိန်းထားနိုင်လိမ့်မည်မဟုတ်ကြောင်းနှင့် မိမိတို့အနေဖြင့် နျူစွမ်းအင်အင်အားကို အသုံးပြုခွင့် ထုတ်လုပ်ခွင့်များကို ဘယ်တော့မှ နောက်ပြန်ဆုတ်မည်မဟုတ်ကြောင်းလည်း ၎င်းကပြောကြားခဲ့သည်။
“နျူလက်နက်ကိုင်ထားတဲ့နိုင်ငံကို စစ်လာခေါ်ပြီး အသက်ရှင်ဖို့ဆုတောင်းနေရင်တော့ အင်မတန်မိုက်မဲရာကျသွားပါလိမ့်မယ်၊ဒီလိုအနေအထားဖြစ်လာရင် ဆိုးလ်နဲ့ပြုံယမ်း တွဲလျက် ရပ်တည်ဖို့ဆိုတာကတော့ မဖြစ်နိုင်တော့ပါဘူး” ဟုလည်း ၎င်းက ပြောကြားခဲ့သည်။
Source : ရှင်းဟွာ
