ပေကျင်း၊အောက်တိုဘာ ၆
တရုတ်သမ္မတရှီကျင့်ဖျင်နှင့် ကိုရီးယားအလုပ်သမားပါတီ အထွေထွေအတွင်းရေးမှူး ကိုရီးယားဒီမိုကရက်တစ်ပြည်သူ့သမ္မတနိုင်ငံသမ္မတ ကင်မ်ဂျုံအမ်တို့သည် မော်စကို – ပြုံယမ်း သံတမန်ဆက်ဆံရေး ၇၅ နှစ်မြောက်နှစ်ပတ်လည်နေ့အထိမ်းအမှတ်ကို ဂုဏ်ပြုသောအားဖြင့် သဝဏ်လွှာများ ကိုအပြန်အလှန် ပေးအပ်ခဲ့ကြသည်ဟုသိရသည်။
သဝဏ်လွှာ၌ သမ္မတရှီက တရုတ် – မြောက်ကိုရီးယား သံတမန်ဆက်ဆံရေးဖွံ့ဖြိုုးတိုးတက်မှုကို ၎င်းအနေဖြင့် တန်ဖိုးထားပါကြောင်းပြောကြားခဲ့ပြီး ယခုကျရောက်သည့် ၇၅ နှစ်မြောက်နှစ်ပတ်လည်နေ့မှတစ်ဆင့် နှစ်နိုင်ငံကြား ပူးပေါင်းဆောင်ရွက်မှုများကို မြှင့်တင်သွားမည်ဖြစ်ကြောင်းဆိုခဲ့သည်။
ထို့ပြင် ယခုသံတမန်ဆက်ဆံရေးကို ရေရှည်ဆက်လက်ထိန်းသိမ်းကာ နှစ်နိုင်ငံ၏ မဟာဗျူဟာမြောက်ဆက်ဆံရေးနှင့် ပေါင်းစပ်ညှိနှိုင်းမှုကိုအားကောင်းစေပြီး ချစ်ကြည်ရင်းနှီးစွာ ဆက်လက်လုပ်ဆောင်သွားမည့် အခွင့်အလမ်းတစ်ခုအနေဖြင့် အသုံးချရန် တရုတ်ဘက်မှစိတ်အားထက်သန်လျက်ရှိကြောင်းလည်းပြောကြားခဲ့သည်။
Source : ရှင်းဟွာ
