အီဂျစ်က လက်ဘနွန်ကို ထောက်ပံ့ရေးပစ္စည်း ၂၂ တန်ပေးပို့

ကိုင်ရို၊အောက်တိုဘာ ၅

အီဂျစ်နိုင်ငံသည် လက်ဘနွန်သို့ လူသားချင်းစာနာထောက်ထားမှုအကူအညီအနေဖြင့် ထောက်ပံ့ရေးပစ္စည်း ၂၂ တန်ကို ပေးပို့ကူညီခဲ့ကြောင်း အီဂျစ်နိုင်ငံခြားရေးဝန်ကြီးဌာနက စနေနေ့ကကြေငြာခဲ့သည်။

ဝန်ကြီးဌာန၏ သတင်း ထုတ်ပြန်ချက်အရ ဆေးဝါးများနှင့် ဆေးဘက်ဆိုင်ရာပစ္စည်းများအပါအဝင် လူသားချင်းစာနာထောက်ထားမှုဆိုင်ရာအကူအညီများတင်ဆောင်လာသည့် လေယာဉ်သည် ဘေရွတ်မြို့သို့ ဆင်းသက်ခဲ့ကြောင်းသိရသည်။

ယခုအစီအစဉ်ကို အစ္စရေး၏ ကျူးကျော်တိုက်ခိုက်မှုကြောင့် ဒုက္ခရောက်နေရသည့် လက်ဘနွန်ရှိ အရပ်သားပြည်သူများအတွက် ထောက်ပံ့ကူညီပေးရန်အီဂျစ်သမ္မတ၏ညွှန်ကြားချက်နှင့်အညီ ဆောင်ရွက်ခဲ့ခြင်းဖြစ်ကြောင်းလည်း ကြေငြာချက် ဝွင်ပြောကြားထားသည်။

ထို့ပြင် အစ္စရေး၏တိုက်ခိုက်မှုများကြောင့် ခရီးသည်တင်လေယာဉ်များရပ်နားလိုက်ရချိန်တွင် လက်ဘနွန်ရှိအီဂျစ်သံရုံးက Egypt Air ၏ အစီအစဉ်ဖြင့် လက်ဘနွန်၌ သောင်တင်နေသည့် အီဂျစ်နိုင်ငံသား ၂၈၆ ဦးကို နေရပ်ပြန်ပို့ပေးနိုင်ခဲ့ကြောင်းလည်း ကြေငြာချက်၌ ခေါ်ပြထားထားသည်။

အစ္စရေးသည် မကြာသေးမီကပင် ဘေရွတ်မြို့နှင့်ဆင်ခြေဖုံးရပ်ကွက်များကို လေကြောင်းတိုက်ခိုက်မှုများ ကို အရှိန်မြှင့် တင်ခဲ့ပြီး ဟစ်ဇ်ဘိုလာ အရာရှိများနှင့် အဆောက်အအုံများကို ပစ်မှတ်ထား လျှက်တိုက်ခိုက်နေခြင်းဖြစ်သည်။

Source : ရှင်းဟွာ