ဆိုးလ်၊အောက်တိုဘာ ၁၁
ကိုရီးယားဒီမိုကရက်တစ်ပြည်သူ့သမ္မတနိုင်ငံ (မြောက်ကိုရီးယား) နိုင်ငံခြားရေးဝန်ကြီးဌာနက တောင်ကိုရီးယားသည် ပြုံယမ်းပိုင်နက်ထဲသို့ ဒရုန်းများစေလွှတ်ခဲ့သည်ဟု သောကြာနေ့ကပြောကြားခဲ့ကြောင်း အစိုးရ သတင်းဌာန KCNA ၏ သတင်းတစ်ပုဒ်အရသိရသည်။
တောင်ကိုရီးယားသည် အောက်တိုဘာ ၃ ရက်၊၉ ရက်နှင့် ၁၀ ရက်နေ့များတွင် မြောက်ကိုရီးယားဆန့်ကျင်ရေးလက်ကမ်းစာစောင်များကိုကြဲချရန်အတွက် ဒရုန်းများကိုအသုံးပြုခဲ့ခြင်းဖြစ်သည်ဟုလည်း ပြုံယမ်းနိုင်ငံခြားရေးဝန်ကြီးဌာနက သောကြာညနေကပြောကြားခဲ့သည်။
ဝန်ကြီးဌာန၏ကြေငြာချက်၌ မြောက်ကိုရီးယာဝေဟင်ပိုင်နက်ကိုချိုးဖောက်ခြင်းသည် ပြုံယမ်း၏အချုပ်အခြာအာဏာကိုထိပါးစော်ကားသည့်လုပ်ရပ်ဖြစ်ကာ ကြီးမားသည့်ရန်စမှုလည်းဖြစ်ကြောင်းဆိုကာ ရှုုံ့ချခဲ့ပြီး မြောက်ကိုရီးယားစစ်တပ်ကပြင်ဆင်မှုများပြုလုပ်နေပြီဟုလည်းကြေငြာချက်တွင်ဖော်ပြခဲ့သည်။
သို့သော် တောင်ကိုရီးယားစစ်တပ်ကမူ ပြုံယမ်းဘက်သို့ ဒရုန်းများလွှတ်တင်ခဲ့ခြင်းမရှိကြောင်း တုန့်ပြန်ပြောကြားခဲ့ပြီး မြောက်ကိုရီးယား၏စွပ်စွဲချက်အကိုငြင်းပယ်ခဲ့ပြီး ယင်းကဲ့သို့ပြုလုပ်ခဲ့ခြင်းမရှိကြောင်းလည်း တောင်ကိုရီးယားပူးတွဲစစ်ဦးစီးချုပ်များက သတင်းထုတ်ပြန်ကြေငြာခဲ့ကြောင်း ယန်ဟပ်သတင်းဌာနက ပြောကြားခဲ့သည်။
Source : ရှင်းဟွာ
