ဗီယန်ကျင်း၊အောက်တိုဘာ ၁၃
လာအိုနိုင်ငံ ဗီယန်ကျင်းမြို့၌ပြုလုပ်ကျင်းပခဲ့သည့် အရှေ့အာရှထိပ်သီးအစည်းအဝေးတွင် စင်္ကာပူဝန်ကြီးချုပ်လော်ရန့်စ်ဝေါင်းက အမေရိကနှင့်တရုတ်အပါအဝင် အာဆီယံမိတ်ဖက်နိုင်ငံများအနေဖြင့် မြန်မာ့အရေးကိုဝိုင်းဝန်း၍ အေလးထားကာ ဖြေရှင်းပေးရန်တောင်းဆိုခဲ့ကြောင်းသိရသည်။
မြန်မာနိုင်ငံအတွင်း၌ အကြမ်းဖက်မှုများရပ်တန့်ရန်၊လူသားချင်းစာနာထောက်ထားမှုအကူအညီများပေးပို့ရန်အပါအဝင် အမျိုးသားပြန်လည်သင့်မြတ်ရေးအတွက် အမေရိကနှင့်တရုတ်တို့၏ ဩဇာလွှမ်းမိုးနိုင်မှုကို အသုံးပြုပေးရန်လည်း တောင်းဆိုခဲ့ကြောင်းသိရသည်။
“အာဆီယံဒေသတွင်းအရေးဖြစ်လို့ အာဆီယံကဖြေရှင်းရမှာမှန်ပေမဲ့ ပြင်ပမိတ်ဖက်တွေရဲ့ အကူအညီလည်းလိုအပ်ပါတယ်” ဟုမစ္စတာဝေါင်းကပြောကြားခဲ့သည်။
အာဆီယံပြင်ပမိတ်ဖက်များ၏ ပံ့ပိုးကူညီမှုသည် မြန်မာ့အရေးအတွက်သာမက အာဆီယံ၏ ဒေသတွင်းပြဿနာများဖြေရှင်းရေးအတွက် အရေးကြီးသောအရာတစ်ခုဖြစ်သည်ဟုလည်း ၎င်းကဆက်လက်ပြောကြားခဲ့သည်။
အရှေ့အာရှထိပ်သီးအစည်းအဝေးတွင် အာဆီယံအဖွဲ့ဝင်ဆယ်နိုင်ငံသာမက ၎င်းတို့၏မိတ်ဖက်နိုင်ငံများဖြစ်သည့် ဩစတြေးလျ၊တရုတ်၊အိန္ဒိယ၊ဂျပန်၊ နူးဇီလန်၊ရုရှား၊တောင်ကိုရီးယားနှင့်အမေရိကတို့လည်း ပါဝင်ဆွေးနွေးခဲ့ကြသည်ဟုသိရသည်။
Source : သည်စထရိတ်တိုင်းမ်စ်
