လက်ဘနွန်တောင်ပိုင်းရှိကုလ ငြိမ်းချမ်းရေးတပ်ဖွဲ့များကို ရုတ်သိမ်းပေးရန် နေတန်ယာဟုတောင်းဆို

ဂျေရုဆလင်၊အောက်တိုဘာ ၁၃

အစ္စရေးဝန်ကြီးချုပ်နေတန်ယာဟုသည် လက်ဘနွန်တောင်ပိုင်းမှ ငြိမ်းချမ်းရေးတပ်ဖွဲ့များကို ရုတ်သိမ်းပေးရန် ကုလသမဂ္ဂကို အောက်တိုဘာ ၁၃ ရက်နေ့တွင်တောင်းဆိုခဲ့ကြောင်းသိရသည်။

“ကုလအတွင်းရေးမှူးချုပ် မစ္စတာဂူတားရက်စ်အနေနဲ့ သူ့ရဲ့ငြိမ်းချမ်းရေးတပ်ဖွဲ့တွေကို ဘေးအန္တရာယ်များတဲ့အခုလိုနေရာများမှာ မထားသင့်တော့ပါဘူး၊ဒါကြောင့် ငြိမ်းချမ်းရေးအဖွဲ့တွေကို လက်ဘနွန်တောင်ပိုင်းကနေ အမြန်ဆုံးရုပ်သိမ်းပေဖို့တောင်းဆိုပါတယ်” ဟုလည်း ၎င်းကဆိုခဲ့သည်။

“ဒီအစီအစဉ်ကို အခုချက်ချင်း အကောင်အထည်ဖော်သင့်ပါတယ်” ဟုလည်း ဆက်လက်ပြောကြားခဲ့သည်။ ထို့ပြင် လက်ဘနွန်တွင် ကုလငြိမ်းချမ်းရေးတပ်ဖွဲ့များကို လွှတ်ထားခြင်းသည် ဟစ်ဇ်ဘိုလာတို့အတွက် ဓ-ါးစာခံပေးထားသလိုဖြစ်နေသည်ဟုလည်း၎င်းကဆိုခဲ့သည်။

ဆက်လက်၍လည်း ၎င်းက ပြီးခဲ့သည့်တစ်ပတ်က အစ္စရေးတပ်ဖွဲ့များကြောင့် ကုလငြိမ်းချမ်းရေးတပ်ဖွဲ့ဝင်နှစ်ဦးထိခိုက်ဒဏ်ရာရခဲ့သည့်အတွက် စိတ်မကောင်းဖြစ်မိပါကြောင်းနှင့် အတတ်နိုင်ဆုံး အလားတူဖြစ်ရပ်မျိုးထပ်မဖြစ်စေရန် သတိထားနေသည်ဟုလည်းဆိုခဲ့သည်။

Source : ရှင်းဟွာ