ပုဂံရှေးဟောင်း ယဉ်ကျေးမှုနယ်မြေရှိ ရှုခင်းများကြည့်ရှုရန် လူများစီးနင်းလိုက်ပါနိုင်သည့် မီးပုံပျံ(Balloons)များ စတင်ပျံသန်းတော့မည် ဖြစ်ကြောင်း သိရသည်။
အောက်တိုဘာ (၁၆) ရက်၊ နံနက် (၆)နာရီအချိန်မှ စတင်ကာ ယခုနှစ်ဆောင်းရာသီ Balloons ပျံသန်းခြင်းများစတင် ပျံသန်းမည်ဖြစ်ကာ ရွှေလေတံခွန်(နီညိုရောင်)မီးပုံပျံအဖွဲ့က ပျံသန်းမည်ဟုသိရသည်။
ထိုသို့ပျံသန်းနိုင်ရန် ရွှေလေတံခွန် (နီညိုရောင်) မီးပုံးပျံဓာတ်ငွေ့ Balloons အဖွဲ့မှ ပိုင်းလော့ KX-Gavm နှင့် ပိုင်းလော့ K-Andy တို့လည်း မြန်မာနိုင်ငံသို့ ရောက်ရှိလာပြီဖြစ်ကာ ပုဂံရှေးဟောင်းယဉ်ကျေးမှု နယ်မြေနှင့် ဧရာဝတီမြစ်အလှရှုခင်းများ၊ ထန်းပင်ထန်းတောများ၊ အညာဒေသတွင် ပေါက်ရောက်သည့် ထနောင်းပင်များ၊ တမာပင်များ၊ ရှားစောင်းပင်၊ ရှေးဟောင်းအဆောက်အအုံများနှင့် တုရင်တောင်တန်း၊ တန့်ကြည်တောင်တန်းနောက်ခံနှင့် ဧရာဝတီမြစ်အလှတို့အား ကြည့်ရှုလေ့လာနိုင်တော့မည် ဖြစ်သည်။
Balloons စီး၍ ပုဂံရှေးဟောင်းယဉ်ကျေးမှုနယ်မြေ ကောင်းကင်ယံမှ ကြည့်ရှုခြင်းကို ပြည်ပနိုင်ငံသားများ စီးနင်းကြည့်ရှုမှုများပြားခဲ့ရာမှ ယခုအခါ ပြည်တွင်းဧည့်သည် စီးနင်းလိုက်ပါမှုများပြားလာခဲ့ကြောင်း သိရသည်။
