နူးဒေလီ၊အောက်တိုဘာ ၂၉
အိန္ဒိယနိုင်ငံအနောက်ပိုင်း ရာဂျက်စ်သန်ပြည်နယ်၌ ခရီးသည်တင်ဘတ်စ်ကားတစ်စီးသည် ရေမြောင်းထဲသို့ ထိုးကျသွား၍ လူ ၁၂ ဦး ထက်မနည်း ေ-သဆုံးကာ ၃၀ ဦးထိခိုက်ဒဏ်ရာရခဲ့ကြောင်းသိရသည်။
အဆိုပါမတော်တဆမှုဖြစ်ပြီးနောက် ချက်ချင်းဆိုသလိုပင် ဒေသခံများက သက်ဆိုင်ရာကိုအကြောင်းကြားသဖြင့် ရဲတပ်ဖွဲ့နှင့်ကယ်ဆယ်ရေးတပ်ဖွဲ့များ ရောက်ရှိလာပြီး ဒဏ်ရာရသူများအား ဆေးရုံသို့ပို့ဆောင်ပေးနိုင်ရန် စီစဉ်ပေးခဲ့ကြောင်းသိရသည်။
ဒဏ်ရာရရှိသူ ၃၀ ဦးအနက် အချို့သည် စိုးရိမ်ရသည့်အခြေအနေတွင်ရှိနေပြီး ယာဉ် မတော်တဆမှုဖြစ်ရသည့်အကြောင်းအရင်းကို တိတိကျကျမသိရသေးပေ။ ေ-သဆုံးသူများအနက် ၇ ဦးသည် အခင်းဖြစ်နေရာ၌ ေ-သဆုံးခဲ့ပြီး ကျန်ငါးဦးသည် ဆေးရုံ၌ဆေးကုသမှုခံယူနေစဉ် ေ-သဆုံးသွားခြင်းဖြစ်သည်ဟုလည်း အာဏာပိုင်များကပြောကြားခဲ့သည်။
အိန္ဒိယ၌ လူအေ-သအပျောက်များသည့်ယာဉ် မတော်တဆဖြစ်မှုများသည် အများအားဖြင့် ဝန်ပိုတင်ခြင်း၊လမ်းများဆိုးရွားခြင်းနှင့်မဆင်မခြင်မောင်းနှင်ခြင်းတို့ကြောင့် ဖြစ်လေ့ရှိကြောင်းလည်းသိရသည်။
အိန္ဒိယ၌ နှစ်စဉ်ယာဉ်မတော်တဆမှုပေါင်း တစ်သန်းခွဲခန့်ဖြစ်ပွားလေ့ရှိပြီး အဆိုပါမတော်တဆမှုများကြောင့် လူ ၁၅၀,၀၀၀ ခန့်နှစ်စဉ်ေ-သဆုံးလျက်ရှိသည်ဟုလည်း အာဏာပိုင်များ၏ ထုတ်ပြန်ချက်များအရသိရှိရသည်။
Source : ရှင်းဟွာ
