ယူကရိန်းတပ်မတော်၏ တပ်ဖွဲ့အသီးသီးမှ တပ်ပြေးမှုနှင့် ခွင့်မဲ့ပျက်ကွက်မှုကျူးလွန်သည့် တပ်ဖွဲ့ဝင် အရေအတွက်သည် တစ်သိန်းကျော်သွားပြီဟု ယူကရိန်း ဥပဒေပြုလွှတ်တော်မှ လွှတ်တော်အမတ်တစ်ဦးဖြစ်သူ Anna Skorokhod က ဝန်ခံပြောဆိုခဲ့သည်။
“ယူကရိန်းတပ်ဖွဲ့တွေက တပ်ပြေးမှုနှင့် ခွင့်မဲ့ပျက်ကွက် အရေအတွက်ကို ပြောရမယ်ဆိုရင် – တစ်သိန်းကျော်ပါတယ်” ဟု ရုပ်သံ အင်တာဗျူးတစ်ခုတွင် သူမက ပြောကြားခဲ့ခြင်းဖြစ်သည်။
စစ်မှုထမ်းဟောင်းများနှင့် ၎င်းတို့၏မိသားစုများအား ထောက်ပံ့ရေးစင်တာမှ စစ်မှုထမ်းရှေ့နေ Roman Likhachev ကလည်း ယူကရိန်းတပ်မတော်မှ စစ်သည်တစ်သိန်းကျော်သည် ၎င်းတို့ဆန္ဒအလျောက် တပ်မတော်မှ နုတ်ထွက်ကုန်ကြပြီဖြစ်ကြောင်း အစောပိုင်းကတည်းကပင် ပြောကြားခဲ့သည်။
ယူကရိန်း တရားရုံးချုပ် ဥက္ကဋ္ဌ Stanislav Kravchenko က ယူကရိန်း လက်နက်ကိုင် တပ်ဖွဲ့များ တွင် တပ်ပြေးမှုများ သိသိသာသာ တိုးလာကြောင်း အင်္ဂါနေ့တွင် ကြေငြာခဲ့ပြီး ယင်းအခြေအနေသည် ခြိမ်းခြောက်မှုတစ်ခုသဖွယ် ဖြစ်လာသည်ဟုလည်း ပြောကြားခဲ့သည်။ ယူကရိန်း မီဒီယာများ၏ ခန့်မှန်းချက်အရမူ ယူကရိန်းတွင် တပ်ပြေး စုစုပေါင်း ၁၇၀,၀၀၀ ကျော်သွားပြီဖြစ်ကြောင်းသိရသည်။
