ဒါကာ၊အောက်တိုဘာ ၃၀
ကုလသမဂ္ဂလူ့အခွင့်အရေးကောင်စီ (ယူအင်န်အိတ်ခ်ျအာရ်စီ) သည် တောင်အာရှနိုင်ငံ တစ်နိုင်ငံအတွင်း ၎င်း၏လုပ်ဆောင်မှုများကို ခိုင်မာ အားကောင်းစေရန်ရည်ရွယ်လျက် ဘင်္ဂလားဒေ့ရှ်နိုင်ငံ၏မြို့တော် ဒါကာတွင် ရုံးခွဲတစ်ခုဖွင့်လှစ်ရန် ဆုံးဖြတ်ခဲ့ကြောင်းသိရသည်။
ဘင်္ဂလားဒေ့ရှ် ကြားဖြတ်အစိုးရ၏ လူမှုဝန်ထမ်းအကြံပေး Sharmeen S. Murshid သည် ဒါကာ၌ အင်္ဂါနေ့က ကုလသမဂ္ဂလူ့အခွင့်အရေးဆိုင်ရာ မဟာမင်းကြီး Volker Turk နှင့်တွေ့ဆုံပြီးနောက် ယခုကဲ့သို့ ပြောကြားခဲ့ခြင်းလည်းဖြစ်သည်။
“ရုံးခွဲဖွင့်မဲ့ဆုံးဖြတ်ချက်က အလွန်အရေးကြီးတဲ့ ဆုံးဖြတ်ချက်တစ်ခုပါ။ဒါကာမှာ ကုလသမဂ္ဂလူ့အခွင့်အရေးရုံးတည်ထောင်ရေးနဲ့ပတ်သက်ပြီး ကြားဖြတ်အစိုးရကလည်းသဘောတူညီခဲ့ပါတယ်” ဟု အဆိုပါအကြံပေးပုဂ္ဂိုလ်ကပြောကြားခဲ့သည်။
ယခုကဲ့သို့ ရုံးလာဖွင့်ခြင်းသည် ဘင်္ဂလားဒေ့ရှ်၏ လူ့အခွင့်အရေး အဆင့်အတန်းကို ခိုင်မာစေမည်ဟု လည်း၎င်းကပြောကြားခဲ့သည်။
Source : ရှင်းဟွာ
