ဟနွိုင်း၊အောက်တိုဘာ ၃၁
ဗီယက်နမ်နိုင်ငံအလယ်ပိုင်း၌ အပူပိုင်းမုန်တိုင်းထရမ်မီကြောင့် နိုင်ငံတစ်ဝန်းမိုးသည်းထန်စွာရွာသွန်းပြီး ရေကြီးခဲ့သဖြင့် လူငါးဦးေ-သဆုံးခဲ့ကြောင်းသိရသည်။
ထို့ပြင် နေအိမ်များလည်းရာနှင့်ချီပျက်စီးကာ ကောက်ပဲသီးနှံများပါပျက်စီးခဲ့ကြောင်း သဘာဝဘေးအန္တရာယ်ဆိုင်ရာအာဏာပိုင်များကပြောကြားခဲ့သည်။
အပူပိုင်းမုန်တိုင်းထရမ်မီသည် ဗီယက်နမ်အလယ်ပိုင်းသို့တနင်္ဂနွေနေ့ကဝင်ရောက်တိုက်ခတ်ခဲ့ပြီး ဖိလစ်ပိုင်တွင်လည်း လူပေါင်း ၁၀၀ ကျော်ေ-သဆုံးစေခဲ့သည်ဟုသိရသည်။
ဗီယက်နမ်၌မူ မိုးများပြီးရေကြီးရေလျှံကာ လျှပ်စစ်ဓါတ်အားများပြတ်တောက်ခဲ့သည်။ လူငါးဦးေ-သဆုံးကာ နေအိမ် ၃၀၀ ထက်မနည်းပျက်စီးဆုံးရှုံးခဲ့ပြီး စိုက်ပျိုးမြေယာ ၁,၃၀၀ ဟက်တာပျက်စီးခဲ့သည်ဟုလည်းသိရသည်။
ဗီယက်န်သည် နှစ်စဉ် ဇွန်လနှင့်နိုဝင်ဘာလများကြားတွင် မုန်တိုင်းတိုက်ခတ်လေ့ရှိပြီး ပြီးခဲ့သည့်စက်တင်ဘာလကလည်း တိုက်ဖွန်းယာဂီကြောင့် ၃၄၅ ဦးေ-သဆုံးကာ စီးပွားရေးပျက်စီးဆုံးရှုံးမှု ကန်ဒေါ်လာ ၃ ဒသမ ၃ ဘီလျံအထိရှိခဲ့သည်။
Source : အေအက်ဖ်ပီ/အာရ်အယ်လ်