ဗီယန်ကျင်း၊နိုဝင်ဘာ ၁
လာအိုသည် တရုတ် – လာအို ရထားလမ်းမှတစ်ဆင့်စိုက်ပျိုးရေး ထုတ်ကုန်များကိုတရုတ်သို့ ပိုမိုတင်ပို့ကာ ရေရှည် တည်တံ့ ခိုင်မြဲသည့် စိုက်ပျိုး ထုတ်လပ်မှုကို မြှင့်တင်ရန် လယ်သမားများနှင့်ထုတ်လုပ်သူများကို တိုက်တွန်းလျက်ရှိကြောင်းသိရသည်။
“တရုတ်စားသုံးသူတွေရဲ့ ဝယ်လိုအားမြင့်တက်လာတာကြောင့် လာအိုက ဒူးရင်းသီး စိုက်ပျိုးရေးလုပ်ငန်းကို တရုတ်လုပ်ငန်းရှင်တချို့က စိတ်ဝင်စားနေကြပါတယ်၊ပြီးတော့ တရုတ်လူမျိုးတွေက ဒူးရင်းသီး ဘယ်လောက်တောင် ကြိုက်လည်း ဆိုတာ ကျွန်တော်သိတယ်လေ၊ ဒါက ရွှေ အခွင့်အရေးပဲ ကျွန်တော်တို့နိုင်ငံအနေနဲ့ တရုတ်ဈေးကွက်ကနေ အကျိုးအမြတ်ရဖို့က” ဟုလည်း လာအိုမြို့တော်ရှိသစ်သီးရောင်းချသူတစ်ဦးက ရှင်းဟွာသတင်းဌာနကို ပြောကြားခဲ့သည်။
“လာအိုက သဘာဝသယံဇာတပေါကြွယ်ဝပြီး စိုက်ပျိုးဖို့ သင့်တော်တဲ့မြေတွေရှိပါတယ်၊တကယ်တော့ လာအိုက တရုတ်နိုင်ငံအတွက် ဒူးရင်းသီး ကို တင်ပို့ရောင်းချသူဖြစ်လာ နိုင်မယ်လို့ထင်ပါတယ်” ဟုလည်း ၎င်းကပြောကြားခဲ့သည်။
တရုတ်စီးပွားရေးသမားများနှင့်လာအိုကုန်သည်ကြီးများနှင့် စက်မှုလက်မှုလုပ်ငန်းရှင်များအသင်းတို့ တွေ့ဆုံ ဆွေးနွေးကာ လာအိုမှ တရုပ်သို့ ဒူးရင်းသီး တင်ပို့ရေး အလားအလာများကို ရှာဖွေခဲ့ကြသည်။
နှစ်နိုင်ငံအစိုးရများသည် လာအိုထုတ်ကုန်များကို တရုတ်နိုင်ငံဈေးကွက်ကြီးများသို့ ပို့ဆောင်နိုင်စေရန်အတွက် တရုပ်-လာအို ရထားလမ်း ကဲ့သို့ အခြေခံအဆောက်အဦ ဖွံ့ဖြိုးတိုးတက်ရေးတွင် များစွာရင်းနှီးမြုပ်နှံထားကြောင်းလပြောကြားခဲ့ကြသည်။
တရုတ်-လာအိုရထားလမ်းကဲ့သို့သော အခြေခံအဆောက်အဦများသည် ပို့ကုန် တိုးမြှင့်တင်ပို့ရေးအတွက် အရေးပါပြီး လာအိုလယ်သမားများက ထုတ်ကုန်အရည်အသွေးကို ကောင်းစွာ စီမံခန့်ခွဲလျှက် ပို့ကုန် အရည်အသွေးကို ထိန်းချုပ်ရန်လိုအပ်သည်ဟု ပို့ကုန်လုပ်ငန်းရှင်တစ်ဦးကပြောကြားခဲ့သည်။
Source : ရှင်းဟွာ
