ဂျကာတာ၊နိုဝင်ဘာ ၁
အင်ဒိုနီးရှားနိုင်ငံဂျကာတာမြို့အနီးရှိ ဟင်းချက်ဆီစက်ရုံ၌ သောကြာနေ့က မီးလောင်မှုကြီးတစ်ခုဖြစ်ပွားခဲ့ရာ လူအချို့ေ-သဆုံးပြီး ကိုးဦးဒဏ်ရာရရှိခဲ့ကြောင်း ဂျကာတာရှာဖွေရေးနှင့် ကယ်ဆယ်ရေးရုံး အကြီးအကဲကပြောကြားခဲ့သည်။
ဂျကာတာမြို့အနီး ဘီကာဆီ ရှိ စက်မှုဇုန်တစ်ခုတွင် မီးလောင်ကျွမ်းမှုကြောင့် မီးသတ်ကား အစီး ၂၀ ခန့်က မီးငြှိမ်းရန် ကြိုးပမ်းလျက်ရှိကြကြောင်းသိရသည်။
“အခုချိန်ထိ မီးကို တစ်ဝက်လောက်ပဲ ထိန်းချုပ်နိုင်ပါသေးတယ်” ဟုသိရသည်။ အခင်းဖြစ်ပွားရာ နေရာမှ ေ-သဆုံးသူများ၏ ကိုယ်အင်္ဂါအစိတ်အပိုင်းများသည် အိတ် ၁၂ လုံးစာ ရှိသည်ဟုလည်းသိရသည်။
အစောပိုင်းကာလအထိ လူကိုးဦးပျောက်ဆုံးနေကြောင်း ကနဦးသတင်းရရှိခဲ့ကြောင်း၊ အဆိုပါနေရာတွင် ရှာဖွေရေးနှင့်ကယ်ဆယ်ရေးလုပ်ငန်းများတွင် အမှုထမ်း ၃၀ ခန့် ပါဝင်လုပ်ဆောင်နေကြောင်းလည်း တာဝန်ရှိသူတစ်ဦးကပြောကြားခဲ့သည်။
လက်ရှိအချိန်အထိ လူကိုးဦးကို အခင်းဖြစ်ပွားရာနေရာမှ အသက်ရှင်လျက်ကယ်ဆယ်နိုင်ခဲ့ပြီး ၎င်းတို့အများစုမှာ မီးလောင်ဒဏ်ရာများရရှိခဲ့ကြောင်းလည်းသိရသည်။
Source : ရှင်းဟွာ
