လက်ဘနွန်နိုင်ငံနှင့်နယ်စပ် အစ္စရေး၏ မြောက်ဘက်စွန်းမြို့ မက်တူလာကို ဒုံးကျည် ဖြင့် တိုက်ခိုက်သဖြင့် ေ-သဆုံး၊ ဒဏ်ရာရသူများထဲတွင် ထိုင်းနိုင်ငံသား စိုက်ပျိုးရေးလုပ်သား လေးဦး ေ-သဆုံးကာ တစ်ဦး ဒဏ်ရာရရှိခဲ့သည်ဟု ထိုင်းနိုင်ငံခြားရေးဝန်ကြီး မာရစ် ဆမ်ဂီယမ်ပွန်ဆာက သောကြာနေ့တွင် X ပေါ်ပို့စ်တင်၍ ပြောကြားခဲ့သည်။
ဒဏ်ရာရ၊ ေ-သဆုံးခဲ့သူများ၏ မိသားစုများကို အတတ်နိုင်ဆုံး ထောက်ပံ့ကူညီရန်နှင့် ၎င်းတို့၏ ချစ်ခင်ရသူများ ဆုံးရှုံးရမှုအတွက် မိမိက အထူးဝမ်းနည်းကြေကွဲရကြောင်းကို ဖော်ပြပေးရန် တယ်လဗီရှိ မိမိတို့ သံရုံးကို ညွှန်ကြားထားသည်ဟု မစ္စတာ မာရစ်က ပြောဆိုသည်။
ယခုဖြစ်ရပ်ကြောင့် အစ္စရေးမြောက်ပိုင်းရှိ ထိုင်းအလုပ်သမားအားလုံးကို လုံခြုံမှုရှိရာ တောင်ပိုင်းသို့ ရွှေ့ပြောင်းနိုင်ရေးအတွက် တဲလာဗစ်ရှိ အလုပ်သမားသံမှူးနှင့် ညှိနှိုင်းဆောင်ရွက်ရန် ဝန်ကြီးဌာန၏ အမြဲတမ်း အတွင်းဝန် Boonsong Thapchaiyuth ကို သူ ညွှန်ကြားထားသည်ဟု အလုပ်သမားဝန်ကြီး Phipat Ratchakitprakarn က သောကြာနေ့တွင် ပြောဆိုခဲ့သည်။
သတင်းများအရ မက်တူလာမြို့အနီး ကွင်းပြင်တစ်ခုကို ဒုံးကျည်နှစ်စင်း ကျရောက်ပေါက်ကွဲခဲ့ခြင်းဖြစ်ကာ လူ ၇ ဦး ေ-သဆုံးခဲ့သည်ဟု ဆိုသည်။ ေ-သဆုံးသူများထဲတွင် အစ္စရေးလယ်သမားတစ်ဦးနှင့် ထိုင်းလုပ်သား လေးဦးလည်း ပါဝင်ခဲ့ခြင်းဖြစ်သည်။
ပြီးခဲ့သည့်လက အစ္စရေးမြောက်ပိုင်း စိုက်ပျိုးရေးနယ်မြေရှိ Kibbutz Yir တွင် တင့်ကားဖျက်ဒုံးကျည်တစ်စင်း ထိမှန်မှုကြောင့် ထိုင်းအလုပ်သမားတစ်ဦး ေ-သဆုံးကာ တစ်ဦး ဒဏ်ရာအပြင်းအထန်ရရှိခဲ့သည်။
အစ္စရေးအာဏာပိုင်များ၏ အဆိုအရ ပြီးခဲ့သည့်နှစ်က ဟားမတ်စ်တို့၏ အစ္စရေးနယ်မြေအတွင်း ဝင်ရောက်တို-က်ခို-က်မှုအတွင်း လူ ၁,၂၀၀ ေ-သဆုံးခဲ့ရာတွင် ထိုင်းနိုင်ငံသား ၄၁ ဦး ပါဝင်ခဲ့သည်ဟု သိရသည်။
Ref: ဘန်ကောက်ပို့စ်
