ကွန်ဆာဗေးတစ်ပါတီကလူမည်းအမျိုးသမီးကိုပါတီခေါင်းဆောင်တင်မြှောက်

ရွေးကောက်ပွဲတွင် ဆိုးရွားစွာရှုံးနိမ့်ခဲ့ပြီးနောက် ဗြိတိန်၏ ကွန်ဆာဗေးတစ်ပါတီသည် ၎င်း၏ ဂုဏ်သိက္ခကို ပြန်တည်ဆောက်ရန်အလို့ငှာ ဝိသေသစွဲနိုင်ငံရေး၊ လိင်ပြောင်းခွင့်နှင့် နိုင်ငံတော် အသုံးစရိတ် သုံးစွဲပုံတို့ကို အလိုမကျသော၊ လက်ယာယိမ်းသူများ၏အကြိုက်ဖြစ်သော ကမ်မီ ဘက်ဒင်န်နော့ခ်ကို ပါတီခေါင်းဆောင်အဖြစ် ရွေးချယ်ခဲ့သည်။

ရီရှီဆွန်နက်၏ နေရာကို အစားထိုးမည့် လနှင့်ချီပြိုင်ဆိုင်မှုအပြီးတွင် ပါတီဝင်များ၏ မဲပေးရွေးချယ်မှု၌ ဘက်ဒင်န်နော့ခ်က ရောဘတ် ဂျန်ရစ်ကို ထောက်ခံမဲ ၅၃,၈၀၆ မဲ၊ ၄၁,၀၀၀ မဲဖြင့် အနိုင်ရရှိခဲ့သည်။ သူသည် ဗြိတိန်၏ အဓိကနိုင်ငံရေးပါတီတစ်ခုကို ဦးဆောင်မည့် ပထမဆုံး လူမည်းအမျိုးသမီးဖြစ်သည်။

သူ့ကို ရွေးချယ်မှုသည် နောက်နှစ်များစွာအတွင်း ဗြိတိန်၏ နိုင်ငံရေးဖြစ်စဉ်အတွက် မှန်ကန်သော အရွေ့တစ်ခုကို သေချာစေပြီး အတိုက်အခံခေါင်းဆောင်သစ်နှင့် လေဘာပါတီ၏ တည်ကြည်လေးနက်ပြီး သဘောထားတင်းမာသော ဝန်ကြီးချုပ် ကီယာ စတားမာတို့အကြား ပြင်းထန်သော သဘောထားပုံစံ ကွဲလွဲမှုကို ဖန်တီးပေးသည်။

“ကျမကို အများကြီး မဲပေးခဲ့ပြီး ပါတီရဲ့ ခေါင်းဆောင်အဖြစ် ရွေးချယ်တင်မြှောက်ခံရတာဟာ အလွန် ဂုဏ်ယူဖွယ်ရာဖြစ်ပါတယ်” ဟု စင်မြင့်ထက်တွင် ဘက်ဒီနော့ခ်က ပြောဆိုခဲ့သည်။

ထိပ်တိုက်ရင်ဆိုင်ရသည်ကို နှစ်သက်ပြီး ခေါင်းဆောင်ပိုင်းဆိုင်ရာ သူ၏ လှုပ်ရှားမှုအမျိုးမျိုးအတွက် ပါတီအမတ်များ၏ အသံတိတ်ထောက်ခံမှုကို ရရှိထားသော ဘက်ဒီနော့ခ်သည် ကွန်ဆာဗေးတစ်၏ လက်ယာယိမ်းလုပ်ငန်းစဉ်တွင် အောက်ခြေအဖွဲ့ဝင်များကို လှုံ့ဆော်မှုပေးကာ ထိပ်တန်း အကြောင်းအရာအမျိုးမျိုးတွင် ထိပ်တိုက်တွေ့သည့် အမေရိကန်ပုံစံ ယဉ်ကျေးမှုကို ဦးတည်စေသည်။

ယခု သူ၏ တာဝန်မှာ ရွေးကောက်ပွဲသမိုင်းတလျှောက် အဆိုးဆုံးရလဒ်ဖြင့် ဆက်လက်ရပ်တည်နေသည့် ပါတီကို ပြန်အသက်သွင်းရန်ဖြစ်သည်။ ကွန်ဆာဗေးတစ်တို့သည် ဇူလိုင်လက ရွေးကောက်ပွဲတွင် အစိုးရအဖြစ်မှ ပြုတ်ကျခဲ့ကာ.အမတ်နေရာ ၃၇၂ နေရာမှ ၁၂၁ နေရာသို့ လျော့ကျခဲ့သည်။ ယင်းသည် စီးပွားရေး၊ ရာဇဝတ်မှု၊ လူဝင်မှုကြီးကြပ်ရေးနှင့် ပြည်သူ့ဘဝဆိုင်ရာ စံနှုန်းများတွင် ၎င်းတို့၏ စီမံခန့်ခွဲမှုအ‌ပေါ်လူထု၏ ဒေါသကို ထင်ဟပ်စေခဲ့သည်။

Ref စီအင်န်အင်န်