ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်အတွင်း၌ ပြီးခဲ့သည့် စက်တင်ဘာလအတွင်း စံချိန်တင်ရေကြီးရေလျှံမှုကြောင့် ရေဘေးသင့်ခဲ့သည့်အိမ်ထောင်စုဝင်များအတွက် ရှမ်းပြည်နယ်ဝန်ကြီးချုပ်မှ ထောက်ပံ့ငွေများပေးအပ်ခဲ့ကြောင်း သိရသည်။
နိုင်ငံတော်အစိုးရနှင့်ရှမ်းပြည်နယ်အစိုးရအဖွဲ့တို့ထောက်ပံ့ပေးအပ်သည့် ထောက်ပံ့ငွေများအား ပြည်နယ်ဝန်ကြီးချုပ်မှ တာချီလိတ်မြို့၊ မကာဟိုခမ်းရပ်ကွက်ရှိ အောင်မြတ်ခန်းမ၌ ယမန်နေ့ နိုဝင်ဘာ ၃ ရက်မွန်းလွဲပိုင်းက ပေးအပ်ခဲ့ခြင်းဖြစ်ကြောင်း သိရသည်။
တာချီလိတ်မြို့နယ်အတွင်းရှိ ရေဘေးသင့်အိမ်ထောင်စုဝင်များအတွက် ထောက်ပံ့ငွေကျပ် (၂၂၄ ဒသမ ၆)သန်းနှင့် မိုင်းဆတ်မြို့နယ်၊ ဝမ်ဟုံဒေသရှိ သီးနှံစိုက်ခင်းများပျက်စီးမှုအတွက် ထောက်ပံ့ငွေကျပ်(၁၉၇ ဒသမ ၁)သန်းတို့အား ပြည်နယ်ဝန်ကြီးချုပ်နှင့်တာဝန်ရှိသူများက ထောက်ပံ့ပေးအပ်ခဲ့ကြကြောင်း သိရသည်။
ထို့ပြင် ပြည်နယ်ဝန်ကြီးချုပ်နှင့်တာဝန်ရှိသူများက ရေဘေးသင့်ချိန်၌ ရေဘေးသင့်အိမ်ထောင်စုဝင်များအား လှူဒါန်းမှုများပြုလုပ်ခဲ့ကြသည့် အလှူရှင်များကို ဂုဏ်ပြုမှတ်တမ်းလွှာများပေးအပ်ခဲ့ကြကြောင်း သိရသည်။
