ရန်ကုန်တိုင်းအတွင်းရှိ ခရိုင်လေးခုစလုံးကို ယနေ့ (နိုဝင်ဘာ ၅ )ရက်ကစတင်၍ တစ်ရက်လျှင် နှစ်ကြိမ်ခွဲ၍ ရှစ်နာရီ မီးဖြတ်မည်ဖြစ်ကြောင်း လျှပ်စစ်ရုံးများက ကြေညာသည်။
“တရက်ကို ၄နာရီခွဲပြီး အနည်းဆုံး နှစ်ကြိမ်ပြတ်မှာပါ၊ တစ်ရက်ကို ရှစ်နာရီ မီးပြတ်ပါမည်။” ဟု လျှပ်စစ်ဝန်ထမ်းတစ်ဦးက ပြောသည်။
ယင်းအစီအစဉ်ကို ရန်ကုန်တစ်တိုင်းလုံး နိုဝင်ဘာ ၅ ရက်တွင်စတင်မည်ဖြစ်ပြီး စက်မှုဇုန်များကိုလည်း စက်တင်ဘာ ၂၈ရက်တွင် ကြေညာခဲ့သည့်အတိုင်း နံနက် ၉နာရီမှ ညနေ ၅ နာရီအထိသာ လျှပ်စစ်မီးပေးတော့မည်ဟု အသိပေးထားသည်။
ယခင်ကမူ စက်မှုဇုန်များတွင် နံနက် ၉နာရီမှ နေ့လယ် ၁ နာရီ (သို့) နေ့လယ် ၁ နာရီမှ ညနေ ၅ နာရီ အလှည့်ကျ ပေးနေလျက်ရှိနေခြင်းဖြစ်ပြီး ယခုအခါ ပုံစံပြောင်းလဲလိုက်ခြင်း ဖြစ်သည်။
ထိုကဲ့သို့ ပြောင်းလဲလိုက်ရခြင်းသည် နိုဝင်ဘာလအတွင်းလျှပ်စစ်မီးရရှိမှုနည်းပါးပြီး လျှပ်စစ်ဓာတ်အားထုတ်လုပ်ရေးလုပ်ငန်းတချို့၌ အကြီးစား ပြုပြင်ထိန်းသိမ်းတာလုပ်နေရခြင်း
ကြောင့်ဟုလည်း လျှပ်စစ်ဌာနများနှင့် နီးစပ်သူများထံမှလည်း သိရသည်။
