ရှမ်းပြည်နယ်တောင်ပိုင်း၊ တောင်ကြီးမြို့တွင် ပြုလုပ်တော့မည့် တန်ဆောင်တိုင်ပွဲတော်တွင် နေ့လွှတ်၊ ညလွှတ် မီးပုံးပျံအလုံးရေ (၂၅၈) လုံး လွှတ်တင်သွားမည်ဖြစ်ကြောင်း ရှမ်းပြည်နယ်တောင်ပိုင်းရိုးရာ မီးပုံးပျံ ပညာရှင်များအသင်းက ထုတ်ပြန်အသိပေးထားသည်။
တောင်ကြီးတန်ဆောင်တိုင်ပွဲတော်ကို လာမည့် နိုဝင်ဘာလ (၉) ရက်မှ (၁၅)ရက်အထိ (၇)ရက်ကြာ တောင်ကြီးမြို့၊ အဝေရာ မီးပုံပျံကွင်း၌ ကျင်းပပြုလုပ်မည်လည်း ဖြစ်သည်။
တန်ဆောင်တိုင်ပွဲတော်တွင် မီးပုံးပျံ ညမီးကြီးယမ်းမီး (၂၆) လုံး၊ စိန်နားပန် မီးပုံးပျံ (၂၄) လုံး၊ နေ့လွှတ်ခြေနှစ်ချောင်း (၁၄၇) လုံး၊ ခြေလေးချောင်း (၃၈) လုံး၊ အရုပ်အုပ်စု (၂၃) လုံး၊ စုစုပေါင်း (၂၅၈)လုံး ပါဝင်ယှဉ်ပြိုင်သွားမှာဖြစ်ပြီး မီးပုံးပျံဝါသနာရှင်များ လာရောက်ကြည့်ရှုလည်ပတ်နိုင်ကြောင်းလည်း ဆိုသည်။
လက်ရှိတွင်တောင်ကြီး တန်ဆောင်တိုင်ပွဲတော်အတွက် လအစပိုင်းကပင် ဟိုတယ်အခန်းများ ကြိုတင်စာရင်းသွင်းခြင်းဖြင့် ပြည့်နေပြီဖြစ်ကြောင်းလည်း ဟိုတယ်ဝန်ထမ်းများထံမှ သိရသည်။
