မော်စကို၊နိုဝင်ဘာ ၁၃
ပိုလန်၌အမေရိက၏ လေကြောင်းရန်ကာကွယ်ရေးစခန်းတည်ဆောက်မှုအတွက် တူညီသည့်အစီအစဉ်များဖြင့် တုန့်ပြန်ဆောင်ရွက်သွားမည်ဖြစ်ကြောင်းခရမ်မလင်ပြောရေးဆိုခွင့်ရှိသူဒီမစ်ထရီကပြောကြားခဲ့သည်။
ပိုလန်နိုင်ငံမြောက်ပိုင်းရာဇီကိုဝို၌ အမေရိကသည် လေကြောင်းရန်ကာကွယ်ရေးစခန်းတည်ဆောက်မည်ဖြစ်ကြောင်း ပိုလန်နိုင်ငံခြားရေးဝန်ကြီးဌာနကသတင်း ကြေငြာချက်ထုတ်ပြန်ခဲ့သည်။
“Aegis Ashore” ဟု သိကြသော အဆိုပါစခန်းသည် နေတိုးအဖွဲ့၏ ဒုံးကျည်ကာကွယ်ရေးစနစ်များထဲမှတစ်ခုဖြစ်ပြီး ၎င်းသည် တာတိုနှင့်တာလတ်ပစ်ဒုံးကျည်များကို ထောက်လှမ်းဖျက်ဆီးနိုင်ကာ ၎င်းစခန်းသည် နေတိုးနှင့်အမေရိကတို့၏ ထိန်းချုပ်မှုအောက်၌ ရှိနေမည်ဖြစ်သည်ဟုလည်းသိရသည်။
“သေချာပါတယ်၊ဒီလိုလုပ်ရပ်ကို ကျွန်တော်တို့ဘက်က အလားတူအစီအစဉ်တွေနဲ့ တုန့်ပြန်သွားမှာပါ၊ဒီစခန်းဟာ ရုရှားနယ်စပ်နားအထိ ရှေ့တိုးလာပြီး မော်စကိုရဲ့စစ်ရေးအလားအလာကို ဟန့်တားဖို့ကြိုးစားနေတဲ့ အမေရိကရဲ့လုပ်ကွက်တစ်ခုဆိုတာသိသာပါတယ်” ဟုလည်း ပက်စကော့ဗ်ကဆက်လက်ပြောကြားခဲ့သည်။
Source : ရှင်းဟွာ
