ပို့တ်ဆူဒန်၊နိုဝင်ဘာ ၁၃
ဆူဒန်နိုင်ငံ၌ဖြစ်ပွားနေသည့် ပြည်တွင်းစစ်ကြောင့် လူသားချင်းစာနာထောက်ထားမှုအကူအညီ လိုအပ်နေသူ စုစုပေါင်း ၂၈ ဒသမ ၉ သန်းအထိရှိနေကြောင်း ဆူဒန်အစိုးရကပြောကြားခဲ့သည်။
ပဋိပက္ခစတင်ဖြစ်ပွားချိန် ဧပြီလကရှိခဲ့သည့် စစ်ဘေးဒုက္ခသည်အရေအတွက်သည် ၁၃ ဒသမ ၁ သန်းအထိတိုးလာကာ ပြီးခဲ့သည့်အောက်တိုဘာလတွင် ၂၈ ဒသမ ၉ သန်းအထိမြင့်တက်လာခြင်းဖြစ်သည်ဟုသိရသည်။
အကူအညီလိုအပ်နေသူပေါင်း ၂၈ ဒသမ ၉ သန်းအနက် ၁၆ ဒသမ ၉ သန်းသည် အသက်ကယ်ဆယ်ရေးဆိုင်ရာ လူသားချင်းစာနာထောက်ထားမှုအကူအညီများကိုလိုအပ်နေခြင်းဖြစ်ကာ ၎င်းတို့လိုအပ်မည့်အထောက်အကူပမာဏသည် လာမည့်နှစ်လအတွက် မက်ထရစ်တန်ချိန် ၈၄၀,၀၀၀ အထိရှိကြောင်းလည်းတာဝန်ရှိသူတစ်ဦးကပြောကြားခဲ့သည်။
ထို့ကြောင့် ဆူဒန်အသွင်ကူးပြောင်းရေးအချုပ်အခြာအာဏာပိုင်ကောင်စီမှ မစ္စတာ အီဘရာဟင်ဂျေဘီကမူ ဆူဒန်ပြည်သူများအတွက် နိုင်ငံတကာအသိုက်အဝန်းက လူသားချင်းစာနာထောက်ထားမှုအကူအညီပေးရေးကိုကတိပြုရန်လည်းတောင်းဆိုခဲ့သည်။
ဆူဒန်နိုင်ငံသည် ၂၀၂၃ ခုနှစ်ဧပြီလမှစ၍ ဆူဒန်လက်နက်ကိုင်တပ်ဖွဲ့များနှင့်အရံတပ်ဖွဲ့များအကြား ပြင်းထန်သည့်ပဋိပက္ခဖြစ်ပွားခဲ့ရာမှ ယခုလိုအခြေအနေမျိုးအထိရောက်ရှိလာခဲ့ခြင်းလည်းဖြစ်သည်။
Source : ရှင်းဟွာ
