ဒါကာ၊နိုဝင်ဘာ ၁၃
ဘင်္ဂလားဒေ့ရှ်ကြားဖြတ်အစိုးရအကြံပေးအရာရှိချုပ် မိုဟာမဒ်ယူနွတ်က နီပေါနှင့်ဘူတန်တို့က ထုတ်လုပ်သည့် ရေအားလျှပ်စစ် ကို မျှဝေသုံးစွဲရန်အတွက် တောင်အာရှဓါတ်အားလိုင်းတစ်ခုသွယ်တန်းရန်တောင်းဆိုထားကြောင်းသိရသည်။
COP 29 တွေ့ဆုံမှုပြင်ပ၌ပြုလုပ်ခဲ့သည့် အစည်းအဝေး၌ ဘင်္ဂလားဒေ့ရှ်၊အိန္ဒိယ၊နီပေါနှင့်ဘူတန်တို့ကြားလျှပ်စစ်ကွန်ယက်ဆက်သွယ်မှုမရှိခြင်းကြောင့် ဟိမဝန္တာနိုင်ငံများ၏ ရေအားလျှပ်စစ်ထုတ်လုပ်နိုင်ခြေအလားအလာများကို အသုံးပြုနိုင်ခြင်းမရှိသေးကြောင်းလည်းပြောကြားခဲ့သည်။
အိန္ဒိယနှင့်ဘင်္ဂလားဒေ့ရှ်တို့ကဲ့သို့သောနိုင်ငံကြီးများ၏ ရုပ်ကြွင်းလောင်စာအသုံးပြုရမှုပမာဏကို လျှော့ချနိုင်ရန်အတွက် နီပေါအနေဖြင့် ရေအားလျှပ်စစ် မဂ္ဂါဝပ် ၄၀,၀၀၀ ထုတ်လုပ်ရန်အလားအလာရှိကြောင်း နီပေါအရာရှိတစ်ဦးကပြောကြားခဲ့သည်။
ဘင်္ဂလားဒေ့ရှ်နှင့်နီပေါသည် မိုင် ၄၀ သာဝေးသဖြင့် နီပေါမှရေအားလျှပ်စစ်ကို ဘင်္ဂလားဒေ့ရှ်ဘက်က အလွယ်တကူရယူနိုင်သည်ဟုလည်း မစ္စတာယူနွတ်ကပြောကြားခဲ့ပြီး ဘင်္ဂလားဒေ့ရှ်၊အိန္ဒိယ၊နီပေါနှင့်ဘူတန်တို့အနေဖြင့် တောင်အာရှဓါတ်အားလိုင်းတစ်ခုကို သွယ်တန်းသင့်သည်ဟု ပြောသည်။
ဆက်လက်၍မစ္စတာယူနွတ်က ဘင်္ဂလားဒေ့ရှ်၌ ရေလွှမ်းမိုးမှုကို တားဆီးရန်နှင့် စီးပွားရေးတိုးတက်မှုအတွက် ရေအား ကို အဓိကထား၍အသုံးပြု ခြင်းကို မြှင့်တင်ခြင်းသည် နိုင်ငံ၏ထိပ်တန်းဦးစားပေးဖြစ်ပြီး ထိရောက်သောရေအရင်းအမြစ်စီမံခန့်ခွဲမှုကိုပြုလုပ်လိုကြောင်းလည်းပြောကြားခဲ့သည်။
Source : ရှင်းဟွာ
