တိုကျို၊နိုဝင်ဘာ ၁၃

ဒဿမ ကြိမ်မြောက် တရုတ်-ဂျပန် ပညာရေးဖလှယ်မှုနှင့်ပူးပေါင်းဆောင်ရွက်မှုညီလာခံကို တိုကျိုမြို့၌ကျင်းပခဲ့ပြီး တက္ကသိုလ်နှင့်ကျောင်းပေါင်း ၂၀၀ ကျော်မှ ကိုယ်စားလှယ်များတက်ရောက်ခဲ့ကြပြီး နှစ်နိုင်ငံပညာရေးဆိုင်ရာပူးပေါင်းဆောင်ရွက်မှုနှင့်ယဉ်ကျေးမှုဖလှယ်ရေးတို့ကို နက်ရှိုင်းစွာ ဆောင်ရွက်ရေး ကိုဆွေးနွေးခဲ့ကြကြောင်းသိရသည်။

အဆိုပါအခမ်းအနား၏ အဖွင့်မိန့်ခွန်းတွင် ဂျပန်နိုင်ငံဆိုင်ရာတရုတ်သံအမတ်ကြီးက နိုင်ငံတကာဆက်ဆံရေး၌ ပညာရေးနှီးနှောဖလှယ်ခြင်း၏အရေးပါမှုကို အလေးပေးပြောကြားခဲ့ပြီး ယင်းသို့နှီးနှောဖလှယ်ခြင်းများသည် ယခုနှစ်များအတွင်းပိုမိုတိုးတက်လာကာ သိသာသည့်အောင်မြင်မှုများရရှိခဲ့သည်ဟုလည်းပြောကြားခဲ့သည်။

ယခုညီလာခံသည် ဂျပန်နှင့်တရုတ်အကြား နယ်ပယ်အသီးသီးရှိပူးပေါင်းဆောင်ရွက်မှုများအတွက် အသစ်အသစ်သောတွန်းအားများဖြစ်ပေါ်စေကာ အနာဂတ်အားအသစ်အားဖော်ဆောင်ရာ၌ အထောက်အကူဖြစ်စေရန်မျှော်လင့်ကြောင်းလည်း၎င်းကဆက်လက်ပြောကြားခဲ့သည်။

ဂျပန်နိုင်ငံ၏ ပညာရေး၊ယဉ်ကျေးမှု၊အားကစား၊သိပ္ပံနှင့်နည်းပညာဝန်ကြီးဌာနလက်အောက်ရှိ အဆင့်မြင့်ပညာရေးဗျူရိုမှတာဝန်ရှိသူ ယိုကိုအီတိုကမူ နှစ်နိုင်ငံတက္ကသိုလ်များအကြား ဖလှယ်ရေးသဘောတူညီချက် ၉,၀၀၀ ကျော်ကို လက်မှတ်ရေးထိုးထားပြီးဖြစ်ကြောင်းလည်းပြောကြားခဲ့သည်။

ယခုညီလာခံအား တရုတ်နိုင်ငံ၏ နိုင်ငံတကာနှီးနှောဖလှယ်ရေးဆိုင်ရာ ပညာရေးအသင်းမှကြီးမှူးကျင်းပခြင်းဖြစ်ပြီး ဂျပန် – တရုတ်ယဉ်ကျေးမှုဖလှယ်ရေးစင်တာနှင့်ပူးတွဲပြုလုပ်ခြင်းလည်းဖြစ်သည်ဟုဆိုသည်။

Source : ရှင်းဟွာ