စစ်ကိုင်းတိုင်းဒေသကြီးတွင် ယခုနှစ်မိုးစပါး ဧက (၁၈)သိန်းကျော်စိုက်ပျိုးထားရာ လတ်တလော ဧက (၁၄၀၀၀) ကျော်ရိတ်သိမ်းထားပြီးဖြစ်ကြောင်း စစ်ကိုင်းဒေသကြီး စိုက်ပျိုးရေး ဦးစီးဌာနမှ သိရသည်။
စစ်ကိုင်းတိုင်းဒေသကြီး (၁၄)ခရိုင်တွင် ယခုနှစ် မိုးစပါး (၁၈ ၀၈၂၅၇) ဧက လျာထားစိုက်ပျိုးခဲ့ပြီး ယခုအခါ (၁၄၇၇၅) ဧ က ရိတ်သိမ်းပြီးစီးကြောင်း သိရသည်။
“မှော်ဘီ-၂၊ ဆင်းဧကရီ-၃၊ ဧရာမင်း၊ ဆင်းသုခ၊ မနောသုခ၊ ရွှေဘိုပေါ်ဆန်း၊ တောင်ယာစပါး၊ ရက်(၉၀)၊ ကောက်ညှင်း၊ GW-11၊ ရွှေသွယ်ရင်၊ လုံးသွယ်မွှေး၊ ရွှေရင်အေး၊ YSR-1 မျိုးတွေစိုက်ကြတာပါ။အထွက်နှုန်းကောင်းမွန်ရေး၊ မျိုးကောင်းမျိုးသန့်ရရှိရေးတို့အတွက် စံကွက်များ၊ စမ်းသပ်ကွက်များကို စိုက်ပျိုးထားရှိပါတယ်”ဟု စစ်ကိုင်းတိုင်းဒေသကြီး စိုက်ပျိုးရေးဦးစီးဌာနတာဝန်ရှိသူတစ်ဦးက ပြောသည်။
တောင်သူ လယ်သမားများ မိုးစပါးစိုက်ပျိုးရာသီတွင် သီးနှံများ အောင်မြင်ဖြစ်ထွန်းရေးအတွက် လိုအပ်သောစိုက်ပျိုးရေးဆိုင်ရာ နည်းပညာများ၊ သွင်းအားစုများ၊ သီးနှံမျိုးစေ့များ ကူညီထောက်ပံ့ခြင်းများကို တိုင်းဒေသကြီစိုက်ပျိုးရေးဦးစီးဌာနမှ အနီးကပ်ကြီးကြပ်လမ်းညွှန်မှုဖြင့် သက်ဆိုင်ရာ ခရိုင်၊မြို့နယ် စိုက်ပျိုးရေးဦးစီးဌာန ဝန်ထမ်းများက ကူညီထောက်ပံ့ပေးခြင်းများ ဆောင်ရွက်လျက်ရှိကြောင်း သိရသည်။
စစ်ကိုင်းတိုင်းဒေသကြီး မော်လိုက်ခရိုင်တွင် (၇၂၄၁၈) ဧက၊ တမူးခရိုင် တွင် (၄၈၇၁၆) ဧက၊ ကလေးခရိုင်တွင် (၁၇ ၆၆၅၉) ဧက၊ ခန္တီးခရိုင်တွင် (၈၂၇၉) ဧက၊ ဟုမ္မလင်းခရိုင်တွင် (၆၃၈၁၄) ဧက၊ နာဂဒေသတွင် (၂၅၄၂၈)ဧက၊ မုံရွာခ ရိုင်တွင် (၇၃၈၆၆) ဧက၊ ယင်းမာပင်ခရိုင်တွင် (၁၀၂၈၃၁) ဧ က၊ ရွှေဘိုခရိုင်တွင် (၃၄၅၉၃၁) ဧက၊ ရေဦးခရိုင်တွင် (၂၉ ၅၆၁၄) ဧက၊ ကန့်ဘူခရိုင်တွင် (၁၈၅၀၅၇)ဧက၊ စစ်ကိုင်းခရိုင်တွင် (၄၃၈၁၉) ဧက၊ ကသာခရိုင်တွင် (၁၇၃၁၅၂) ဧက၊ ကောလင်းခရိုင်တွင် (၁၉၂၆၇၃) ဧက၊ စုစုပေါင်း (၁၈၀၈၂ ၅၇) ဧကကို မေလဆန်းမှ စတင်စိုက်ပျိုးခဲ့ကြောင်း သိရသည်။
မိုးစပါးရိတ်သိမ်းရာတွင် တစ်ဧက ပျမ်းမျှအထွက်နှုန်း (၆၃ ဒသမ ၇၂) ရာခိုင်နှုန်းဖြင့် စုစုပေါင်း စပါးတင်းပေါင်း (၉၄ ၁၄၀၈) ထွက်ရှိကာ ကျန်ရှိမိုးစပါးများကို ဇန်နဝါရီလကုန်အထိ ဆက်လက်ရိတ်သိမ်းသွားမည် ဖြစ်ကြောင်း သိရသည်။
