ရန်ကုန်တိုင်းဒေသကြီး၊ အလုံမြို့နယ်၊ ကမ်းနားလမ်းတွင် ကုန်တင်ယာဉ်တစ်စီး အရှိန်လွန် တိမ်းမှော-က်မှု ဖြစ်ပွားရာ ယာဉ်ပေါ်ပါ အမျိုးသား (၅)ဦး ထိခိုက်ဒဏ်ရာများ ရရှိခဲ့သည့်အတွက် ရန်ကုန်ပြည်သူ့ ဆေးရုံကြီးသို့ ပို့ဆောင်လိုက်ရကြောင်း နယ်မြေခံ လူမှုကူညီရေးအသင်းများထံမှ သိရသည်။
အလုံမြို့နယ်၊ ကမ်းနားလမ်း ၊ သခင်မြပန်းခြံမီးပွိုင့်အနီးတွင် ယမန်နေ့ ည (၁၁)နာရီ မိနစ် (၅၀)အချိန်ခန့်က ယာဉ်တစ်စီး တိမ်းမှေ-ာက်မှု ဖြစ်ပွားကြောင်း သတင်းအရ ဝင်းမေတ္တာလူမှုကူညီရေးအသင်း၊ အေးမေတ္တာလူမှုကူညီရေးအသင်း၊ ပြည်သူ+လူရွှင်တော်လူမှုကူညီရေးအသင်း၊ သံဝေဂလူမှုကူညီရေးအသင်းတို့နှင့် မြန်မာနိုင်ငံကြက်ခြေနီအသင်း (အလုံ) တို့မှ သွားရောက်ကူညီခဲ့ကြောင်း သိရသည်။
အဆိုပါ ယာဉ်တိမ်းမှေ-ာက်မှုကြောင့် ထိခိုက်ဒဏ်ရာများရရှိထားသည့် အမျိုးသား (၅)ဦးကို လိုအပ်သည့် မြေပြင်အရေးပေါ်ဆေးကုသမှုများ ပြုလုပ်ပေးပြီးနောက် ရန်ကုန်ပြည်သူ့ဆေးရုံကြီးအရေးပေါ်ဌာနသို့ မြန်မာနိုင်ငံကြက်ခြေနီအသင်း (အလုံ)နှင့် အေးမေတ္တာ လူမှုကူညီရေးအသင်းတို့မှ လူနာတင် ယာဉ်များဖြင့် ကူညီပို့ဆောင်ပေးခဲ့ကြောင်း သိရသည်။
