နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်သည် ယနေ့ နိုဝင်ဘာ ၂၂ ရက်ညပိုင်းကပြုလုပ်သော မြန်မာနိုင်ငံအင်ဂျင်နီယာပညာရေးနှစ်(၁၀၀)ပြည့်ရာပြည့်သဘင်နှင့် Naypyitaw State Polytechnic University ဖွင့်ပွဲ အထိမ်းအမှတ် ဂုဏ်ပြုညစာစားပွဲသို့တက်ရောက်ခဲ့သည်။
နစက ဥက္ကဋ္ဌအား သိပ္ပံနှင့်နည်းပညာဝန်ကြီးဌာနပြည်ထောင်စုဝန်ကြီး ဒေါက်တာမျိုးသိန်းကျော်နှင့်တာဝန်ရှိသူများကကြိုဆိုနှုတ်ဆက်ခဲ့ကြပြီးနောက် နစက ဥက္ကဋ္ဌနှင့်တက်ရောက်လာသူများမှဂုဏ်ပြုညစာသုံးဆောင်ခဲ့ကြသည်။
ဂုဏ်ပြုညစာစားပွဲတွင် ကျောင်းသား၊ ကျောင်းသူများ အနုပညာရှင်များက တေးသီချင်းများ၊ သရုပ်ဖော်အကများ၊ တိုင်းရင်းသားယဉ်ကျေးမှုအကအလှများဖြင့် သီဆိုကပြဖျော်ဖြေခဲ့ကြပြီး နစက ဥက္ကဋ္ဌမှ ဂုဏ်ပြုပန်းခြင်းနှင့် ဂုဏ်ပြုဆုငွေများပေးအပ်ခဲ့သည်။
မြန်မာနိုင်ငံအင်ဂျင်နီယာပညာရေး နှစ်(၁၀၀)ပြည့် ရာပြည့်သဘင်နှင့် Naypyitaw State Polytechnic University ဖွင့်ပွဲ အခမ်းအနားကို နိုဝင်ဘာ ၂၁ ရက်နေ့က ကျင်းပပြုလုပ်ခဲ့ခြင်းဖြစ်ပြီး နစကဥက္ကဋ္ဌကိုယ်တိုင် တက်ရောက်ချီးမြှင့်ခဲ့သည်။