မန္တလေးတိုင်း၊ အမရပူရမြို့နယ်တွင် ယမန်နေ့ နိုဝင် ဘာ ၂၃ ရက်နံနက် ၁၁ နာရီကျော်ခန့်က အလယ် တန်းပြကျောင်းဆရာမတစ်ဦးကို ဓားဖြင့်ထိုး၍ ဆိုင်ကယ်လုယက်မှုဖြစ်ပွားခဲ့ကြောင်း လုံခြုံရေးအဖွဲ့နှင့်နီးစပ်သူများထံမှ သိရသည်။
အမရပူရမြို့နယ်၊ ကြည့်မြင်တိုင်ကျေးရွာရှိ အ.ထ.က(ခွဲ)မှ အလယ်တန်းပြကျောင်းဆရာမတစ်ဦးအား အမျိုးသားနှစ်ဦးမှ တပ်ကြီးကျေး ရွာ၊ အိုးတုတ္တန်းတိုးဂိတ်အကျော်၌ဓားဖြင့်ထိုး၍ ကျောင်းဆရာမစီးလာသည့် ဆိုင်ကယ်အားလုယက်ယူဆောင်သွားခဲ့ကြကြောင်း သိရသည်။
” ဓားနဲ့ထိုးခံရတဲ့အတွက် ကျောင်းဆရာမက အခင်းဖြစ်နေရာမှာဘဲ ထိုးသွင်းဒဏ်ရာတွေနဲ့ သေဆုံးသွားတယ်။ ဖြစ်စဥ်ကို လုံခြုံရေးအဖွဲ့ဝင်တွေနဲ့ရဲတပ်ဖွဲ့ကလာစစ်ပြီး ပြစ်မှုကျူးလွန်တဲ့လူနှစ်ယောက်ကိုဖမ်းမိဖို့လုပ်ခဲ့ကြတယ်”ဟု လုံခြုံ ရေးအဖွဲ့နှင့်နီးစပ်သူတစ်ဦးကပြောသည်။
ပြစ်မှုကျူးလွန်သူများအား ဖမ်းဆီးရမိရေးအ တွက် စုံစမ်းစစ်ဆေးမှုများပြုလုပ်ခဲ့သဖြင့် အမရပူရမြို့နယ်၊ တပ်ကြီးကွင်းကျေးရွာရှိ ယာခင်းတစ်ခုအတွင်းမှ ခန့်ဇင်လင်း(၂၀)နှစ်အား ဖမ်း ဆီးရမိခဲ့ပြီး ထွက်ပြေးတိမ်းရှောင်နေသူအား ထပ်မံဖမ်းဆီးရမိရေးအတွက် ဆက်လက်စုံစမ်းစစ်ဆေးလျက်ရှိကြောင်း သိရသည်။
