မြန်မာနိုင်ငံတွင် စက်တင်ဘာလအတွင်းကဖြစ် ပွားခဲ့သည့် ရေကြီးရေလျှံမှုကြောင့် ပျက်စီးဆုံး ရှုံးခဲ့ရခြင်းများအတွက် ပြန်လည်ထူထောင်ရေးလုပ်ငန်းများဆောင်ရွက်ရာ၌အသုံးပြုရန် ရုရှားနိုင်ငံမှလှူဒါန်းသည့် လူသားချင်းစာနာထောက် ထားမှုအကူအညီပစ္စည်းတန်ချိန်(၃၅)တန်ခန့်ရောက်ရှိလာခဲ့သည်။
အဆိုပါ ပစ္စည်းများအား ရုရှားနိုင်ငံမှသယ်ယူပို့ ဆောင်ရေးလေယာဉ်ဖြင့်ပေးပို့ရာ နိုဝင်ဘာ ၂၄ ရက်နံနက်ပိုင်းက နေပြည်တော်လေဆိပ်သို့ရောက်ရှိလာခဲ့သည်။
ထိုသို့ ရောက်ရှိလာပြီးနောက် လူသားချင်းစာနာထောက်ထားမှုအကူအညီပစ္စည်းများ လွှဲပြောင်းပေးအပ်ခြင်းအခမ်းအနားကျင်းပရာ ပြည် ထောင်စုရာထူးဝန်အဖွဲ့ဥက္ကဋ္ဌ၊ မြန်မာ-ရုရှား ချစ်ကြည်ရေးအသင်းဥက္ကဋ္ဌ ဦးအောင်သော်၊ လူကယ်ပြန် ဒု-ဝန်ကြီးဦးစိုးကြည်၊ တာဝန်ရှိသူများနှင့် မြန်မာနိုင်ငံဆိုင်ရာ ရုရှားသံအမတ်ကြီး Mr. Iskander Azizov တို့တက်ရောက်ခဲ့ကြသည်။
အဆိုပါ လူသားချင်းစာနာထောက်ထားမှုအကူ အညီပစ္စည်းများလှူဒါန်းရခြင်းနှင့်ပတ်သက်၍ ရုရှားသံအမတ်ကြီးနှင့် ရုရှားနိုင်ငံမှ အလှူရှင်အဖွဲ့အစည်းများကိုယ်စားတာဝန်ရှိသူတစ်ဦးတို့က ရှင်းလင်းပြောကာ လူကယ်ပြန် ဒု-ဝန်ကြီးက ကျေးဇူးတင်စကားပြောကြားပြီး ဂုဏ်ပြုမှတ် တမ်းလွှာပေးအပ်ခဲ့သည်။
ရုရှားနိုင်ငံကိုယ်စား အရပ်ဘက်ကာကွယ်ရေး၊ အရေးပေါ်အခြေအနေနှင့် သဘာဝဘေးအန္တ ရာယ်သက်ရောက်မှုများတိုက်ဖျက်ရေးဆိုင်ရာဝန် ကြီးဌာန၊ စက်မှုနှင့်ကုန်သွယ်ရေးဝန်ကြီးဌာန၊ ရုရှားနိုင်ငံနျူကလီးယားစွမ်းအင်ကော်ပိုရေးရှင်း (Rosatom)နှင့် Aquarius ကုမ္ပဏီများအုပ်စုတို့မှ မြန်မာနိုင်ငံအတွက် လူသားချင်းစာနာထောက်ထားမှုအကူအညီပစ္စည်းများကို ပေးအပ်လှူဒါန်းခဲ့ခြင်းဖြစ်သည်။